अकोट : तालुक्यात वळवाच्या पावसाने आठही महसूल मंडळात भक्कम हजेरी लावली आहे. गेल्या काही आठवड्यात संपूर्ण मंडळात मिळून तालुक्यात सरासरी ५८.९ मि.मी. पावसाची नोंद झाली आहे. या समाधानकारक वातावरणामुळे व पेरणीयोग्य वापसे निर्माण झाल्यामुळे शेतकऱ्यांनी पेरणीपूर्व मशागतीची तयारी सुरू केली आहे. कृषी विभागानेही खरीप पेरणी क्षेत्र वाढण्यासाठी विविध उपाययोजनांवर भर दिला आहे.
