esakal | 'नितेश राणे हे बेडकांचे पिल्लू आहे', आमदार पुन्हा बरसले

बोलून बातमी शोधा

'नितेश राणे हे बेडकांचे पिल्लू आहे', आमदार पुन्हा बरसले

'नितेश राणे हे बेडकांचे पिल्लू आहे', आमदार पुन्हा बरसले

sakal_logo
By
सकाळ वृत्तसेवा

बुलडाणा: शिवसेना आमदार संजय गायकवाड हे माजी मुख्यमंत्री देवेंद्र फडणवीस यांच्या तोंडात कोरोनाचे जंतू सोडण्याची टीका केल्यानंतर राज्यात एकदम प्रकाशझोतात आले आहे . त्यातून शिवसेना आणि भाजप यांच्यात बुलढाण्यात रस्त्यावरील लढाई सुरू झाली आहे . राज्यातील इतर भाजप नेत्यांनी गायकवाड यांच्या टिकेचा समाचार घेतला . त्यानंतर आज पुन्हा गायकवाड यांनी आपल्या आरोपावर ठाम राहत देवेंद्र फडणवीस , प्रवीण दरेकर आणि चंद्रकांत पाटील यांच्याविरोधात सदोष मनुष्यवधाचा गुन्हा दाखल करण्याची मागणी करत खळबळ उडवून दिली .

देवेंद्र फडणवीस यांनी केलेल्या टीकेला देखील संजय गायकवाड यांनी उत्तर दिले आहे.

बुलढाणा जिल्ह्याचे माजी पालकमंत्री ज्यांना तुम्ही सोबत घेऊन फिरत असतात ते तळीराम आहेत त्यांच्यातला मी नाही. मी केलेल्या वक्तव्याची एकदा तुम्ही वेळ तपासून बघावी असा टोला देखील त्यांनी फडणवीसांना मारला आहे. आम्हाला सल्ले देण्यासाठी आमचे नेतृत्व खंबीर आहे. तुम्ही तुमचा सल्ला केंद्र सरकारला दिला तरी चालेल असे देखील ते यावेळी म्हटले आहेत. कारवाई नाही झाली तर मी न्यायालयाचा दरवाजा ठोठवणार आहे. तुमची पुढची चाल देखील मला माहित आहे. तुम्ही सीबीआय,ईडी माझ्या मागे लावू शकता परंतु मी शेतकरी कुटुंबातील असल्यामुळे मला काहीही फरक पडणार नाही.

नितेश राणे यांच्यावर देखील त्यांनी बाण सोडले आहे. नितेश राणे हा बेडूक आहे. तो कोंबडी चोर देखील आहे. त्याला मी फोन देखील लावला होता. मात्र त्याचा फोन नाही लागला, नाहीतर त्याला मी जागेवरच सांगितले असते. परंतु त्याला मी ऊत्तर नक्कीच देणार आहे. मी मुख्यमंत्र्यांचा एक सहकारी आहे. मी त्यांच्या सहकाऱ्याच्या नात्याने यांना अंगावर घेतले आहे. नितेश राणे नेहमीच शेलक्या भाषेत टीका करत असतात. आज त्यांच्या भाषेत टीका केली तर त्यांचा तिळपापड होत आहे,अशी टीका देखील त्यांनी केली आहे.

संपादन - विवेक मेतकर