अकोला : ई-चालान दंड प्रलंबित असणाऱ्या वाहनधारकांनी १२ मार्च २०२२ रोजी जिल्हा सत्र न्यायालय येथे आयोजित लोकअदालतमध्ये हजर राहून त्यांचे प्रलंबित ई-चालान दंडाचा भरणा करावा किंवा ११ मार्चपूर्वी प्राप्त लिंकद्वारे अथवा महाट्रॅफीक ॲपद्वारे भरणा करावा. अन्यथा संबंधित ई-चालान दंड प्रलंबित असणाऱ्या वाहनधारकांवर खटले दाखल करण्यात येणार असल्याचे शहर वाहतूक नियंत्रण शाखेचे पोलिस निरीक्षक विलास पाटील यांनी कळविले आहे.
शहर वाहतूक नियंत्रण शाखा अकोला मार्फत १ जानेवारी २०२१ ते आज पावेतो एकूण एक लाख ७० हजार ४७८ वाहनचालक/धारकांवर कायदेशीर कारवाई करून त्यांचेकडून एक कोटी २३ लाख ७८ हजार ६५० रुपये दंड वसूल करून शासन जमा करण्यात आला आहे. परंतु १ जानेवारी २०२१ ते आज पावेतो एकूण ई-चालान करण्यात आलेल्यांपैकी १ लाख १८ हजार ७६ वाहन धारकांवर एकूण ३ कोटी ६१ लाख ४९ हजार २५१ रुपये ई-चालान तडजोड रक्कम थकबाकी आहे.
अशा प्रकारचे ई-चालान दंड प्रलंबित असणाऱ्या वाहनधारकांनी १२ मार्च २०२२ रोजी जिल्हा सत्र न्यायालय येथे आयोजित लोकअदालतमध्ये हजर राहून त्यांचे प्रलंबित ई-चालान दंडाचा भरणा करावा अथवा ११ मार्च २०२२ पूर्वी कोणत्याही ट्रॅफीक अमंलदाराकडे सदर दंडाचा भरणा करण्याबाबत वाहनधारकांच्या मोबाईल क्रमांकावर एस.एम.एस. पाठवून सूचना देण्यात आलेली आहे. सदर दंडाचा भरणा हा वाहनधारकांना आलेल्या एस.एम.एस.वरील लिंकद्वारे अथवा महाट्रॅफीक ॲपद्वारे सुद्धा भरता येतो. त्यानुसार शहरातील सर्व नागरिकांनी त्यांच्या वाहनावरील प्रलंबित ई-चालान तडजोड रक्कम शासन जमा करावी अन्यथा संबंधित वाहनचालकांविरुद्ध विद्यमान न्यायालयात खटले भरण्यात येणार असल्याचे अकोला शहर वाहतूक नियंत्रण शाखेचे पोलिस निरीक्षक विलास पाटील यांनी कळविले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
