संघातून काढून टाकण्याची धमकी देत मुलींचे लैंगिक शोषण, क्रीडा प्रशिक्षकाला जन्मठेप | Akola News | Sakal
sakal

बोलून बातमी शोधा

Rape crime against women

संघातून काढून टाकण्याची धमकी देत मुलींचे लैंगिक शोषण, क्रीडा प्रशिक्षकाला जन्मठेप

अकोला, ता. १७ : गुरू-शिष्याच्या नात्याला काळीमा फासत अल्पवयीन मुलींचे वारंवार लैंगिक शोषण व अन्य एका मुलीचा विनयभंग केल्याप्रकरणी क्रीडा प्रशिक्षकाला विद्यमान अतिरिक्त जिल्हा व सत्र न्यायाधीश व्ही.डी. पिंपळकर यांच्या न्यायालयाने गुरुवारी जन्मठेपेची शिक्षा सुनावली. सोबतच तीन लाख १० हजाराच्या दंडही केला.

शुद्धोधन सहदेव अंभोरे हा क्रीडा प्रशिक्षक आहे. तो प्रशिक्षणार्थी अल्पवयीन मुलींना संघातून काढून टाकण्याची धमकी देत वारंवार शरीर संबंध प्रस्तापित करीत होता. यातून अल्पवयीन पीडिता गरोदर झाल्याने क्रीडा प्रशिक्षकाचे प्रताप उघडकीस आले. ता. ३० जुलै २०१८ रोजी एमआयडीसी पोलिस स्टेशनला या संदर्भात अंभोरेविरुद्ध गुन्हा दाखल करण्यात आला. यामध्ये पीएसआय संजय कोरचे यांनी तपास करून प्रकरण न्यायप्रविष्ट केले. विद्यमान अतिरिक्त जिल्हा व सत्र न्यायाधीश व्ही.डी. पिंपळकर यांच्या न्यायालयात झालेल्या सुनावणीत सरकार पक्षातर्फे नऊ साक्षीदारांची साक्ष झाली.

याप्रकरणी भांदवी कलम ३७६ (२)(एन) व पॉक्सो कायदा कलम तीन, चार, पाच मध्ये नराधम शुद्धोधन सहदेव अंभोरे याला दोषी ठरवून आजन्म कारावासाची शिक्षा सुनावण्यात आली. अन्य एका मुलीचा विनयभंग केल्याप्रकरणी पाच वर्षे कारावास, कलम ५०६ मध्ये दोन वर्ष कारावासाची शिक्षा ठोठावली. विविध कलमा अंतर्गत एकूण तीन लाख १० हजाराचा दंड ठोठावण्यात आला. सरकार पक्षातर्फे सहायक सरकारी अभियोक्ता मंगला पांडे, किरण खोत यांनी बाजू मांडली. एलपीसी अनुराधा महल्ले, सीएमएसचे प्रवीण पाटील यांनी पैरवी अधीकारी म्हणून काम पाहिले.

Web Title: Coach Life Imprisonment Sexually Assaulting Teens

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top