अकाेला : एक महिन्याच्या आत तेल्हारा ते आडसूळ रस्ता चालण्या योग्य करू

जिल्हाधिकारी यांना आढाव बैठकीत अधिकाऱ्यांनी दिली ग्वाही
akola District Collector Neema Arora
akola District Collector Neema Arorasakal

तेल्हारा : तालुक्यातील दयनीय अवस्था झालेल्या रस्त्यांबाबत जिल्हाधिकारी यांच्या दालनात जिल्हाधिकारी नीमा अरोरा यांच्या अध्यक्षतेखाली २५ जानेवारी रोजी झालेल्या आढावा बैठकीत जागतिक बँक प्रकल्प सार्वजनिक बांधकाम विभागाचे कार्यकारी अभियंता यांनी एक महिन्याच्या आत तेल्हारा तालुक्यातील आडसूळ ते तेल्हारा रस्ता चालण्या योग्य करू अशी ग्वाही दिली.

तेल्हारा तालुक्यातील चारही भागातील रस्त्यांची अक्षरशः वाट लागली असून, रस्ते खोदून ठेवल्यामुळे नागरिकांना अनेक समस्यांना तोंड द्यावे लागत आहे. या बाबतीत तेल्हारा तालुक्यातील रस्त्यांची कामे विनाविलंब सुरू व्हावे याकरिता तेल्हारा येथील विशाल नांदोकार यांनी काही दिवसांपूर्वी बेमुदत उपोषण केले होते. याची दखल घेऊन जिल्हाधिकारी यांनी त्यांच्या दालनात दुसऱ्यांदा बैठकीचे आयोजन केले होते.

akola District Collector Neema Arora
दहावी-बारावीसाठी शाळा तिथे परीक्षा केंद्र! एका वर्गात 25 विद्यार्थी

आपण कुठल्याही प्रकारचे कारण न देता सदर रस्त्याचे कामे तातडीने सुरू ठेवून निर्धारित वेळेत काम पूर्ण करून, कामे अखंडितपणे सुरू राहावे. अशा, शब्दात आढावा बैठकीत जिल्‍हाधिकाऱ्यांनी उपस्थित अधिकारी व कंत्रादारांना निर्देश दिले.

यावेळी संबंधित अधिकारी व कंत्राटदार यांनी तेल्हारा ते आडसूळ रस्ता एक महिन्याच्या आत चालण्या योग्य करू अशी ग्वाही दिली. तसेच, सर्व कामें निरंतर चालू राहावे याकरिता जिल्हाधिकारी यांनी २५ फेब्रुवारी रोजी पुन्हा बैठक घेण्याचे ठरविले आहे. यावेळी कार्यकारी अभियंता पी.आर. सरनाईक, निवासी अभियंता, शाखा अभियंता, संबंधित कंत्राटदार, रस्ता देखरेख समितीचे उज्वल दबळघाव, सतीश उंबरकर, विशाल नांदोकार, रामभाऊ फाटकर, आनंद राठी, गजानन गायकवाड, ॲड. जयश्री मानखैर, अनंत मानखैर उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com