अकोला - अजित दादांवर टीका करताना जरा जपून वागण्याचा सल्ला देत मिटकरी म्हणाले, विखे पाटील विसरले असावेत की राष्ट्रवादी काँग्रेस पक्ष हा महायुतीचा घटक पक्ष आहे. अजितदादांवर टीका करताना भाजपश्रेष्ठींनी याची दखल घ्यावी, अशी अपेक्षा आहे..तसेच विखे पाटील यांच्या मंत्रालयातील कार्यपद्धतीवरही मिटकरींनी निशाणा साधला. बाकी विखे पाटीलजी, आपल्या कार्यकर्तृत्त्वाची महती मंत्रालयात जोरदार रंगली आहे बरं का! उगाच खेटे घेऊ नका, राधेकृष्ण! असा सांकेतिक टोलाही त्यांनी लगावला..महायुतीतील नेत्यांमध्ये पुन्हा एकदा वार-पलटवाराची मालिका सुरू झाली आहे. राष्ट्रवादी काँग्रेसचे संस्थापक खासदार शरद पवार यांनी पारदर्शक निवडणुकांबाबत केलेल्या विधानानंतर भाजप नेते आणि मंत्री राधाकृष्ण विखे पाटील यांनी शरद पवारांवर हल्लाबोल केला..त्याचबरोबर, महायुतीचा घटक असलेल्या राष्ट्रवादी काँग्रेस पक्षाचे अध्यक्ष आणि उपमुख्यमंत्री अजित पवार यांच्यावरही त्यांनी तिखट शब्दांत टीका केली. धाराशिव जिल्हा दौऱ्यावर असताना राधाकृष्ण विखे पाटील यांनी शरद पवारांवर टीका केली आणि त्याचवेळी अजित पवारांनाही लक्ष्य केले..'अजित पवार, जनाची नाही तर मनाची तरी ठेवा,' असे म्हणत त्यांनी साखर उद्योगाशी संबंधित विषयावर बोलताना अजित पवारांना टोला हाणला. 'पंतप्रधान नरेंद्र मोदी आणि अमित शाह यांनी इथेनॉल धोरण लागू करून कारखान्याला जीवदान दिले, त्यांचे तरी अभिनंदन करा; कारखान्याच्या सभेत अभिनंदनाचे बॅनर, फोटो लावा,' असेही त्यांनी म्हटले..या वक्तव्यांमुळे महायुतीतील भाजप आणि राष्ट्रवादी काँग्रेसमध्ये पुन्हा एकदा मतभेद उफाळण्याची चिन्हे आहेत. सोशल मीडियावर मिटकरी यांच्या पोस्टवर नानाविध प्रतिक्रियांचा पाऊस पडत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
