Eid Celebration : अकोला जिल्ह्यात ईद उत्साहात साजरी; आमदार साजिद खान पठाण यांचा सहभाग, मुस्लिम बांधवांना दिल्या शुभेच्छा

अकोला : ईद-उल-फितरचा सण धार्मिक उत्साह आणि बंधुत्वाच्या वातावरणात मोठ्या जल्लोषात साजरा करण्यात आला. शहरातील सर्व मशिदी आणि ईदगाहांमध्ये हजारो मुस्लिम बांधवांनी ईदची नमाज अदा करून अल्लाहचे आभार मानले..अकोला पश्चिम विधानसभा मतदारसंघाचे आमदार साजिद खान पठाण यांनी विविध ठिकाणी हजेरी लावून मुस्लिम बांधवांना शुभेच्छा दिल्या. प्रामुख्याने अकोल्यातील ऐतिहासिक कच्छी मशिदीत ईद-उल-फितरच्या दोन नमाज आयोजित करण्यात आल्या, ज्या मोठ्या संख्येने मुस्लिम बांधवांनी अदा केल्या. .पहिली जमात सकाळी ८:४५ वाजता पार पडली, ज्याचे इमामत प्रसिद्ध इस्लामी विद्वान मुफ्ती मो. सादिक अख्तर रज़वी मर्कज़ी साहेब यांनी केले. दुसरी जमात सकाळी ९:४५ वाजता आयोजित करण्यात आली. ज्यामध्ये नायब इमाम मौलाना आरिफ रज़ा साहेब यांनी नमाज पढवली..दोन्ही नमाजांमध्ये शेकडो लोक सहभागी झाले आणि ईदच्या आनंदात सामील झाले. नमाजानंतर कच्छी मशिदीचे अध्यक्ष जावेद जकरिया यांनी सर्वांना ईदच्या शुभेच्छा दिल्या. तसेच, अहले सुन्नत जमातचे अध्यक्ष हाजी मुदाम खान साहेब यांनी देखील ईदच्या शुभेच्छा देऊन समाजात बंधुत्व, प्रेम आणि सौहार्द टिकवण्याचा संदेश दिला..शहरभर ईदची धामधूमअकोल्यातील पाच प्रमुख ईदगाहांमध्ये नमाज अदा करण्यात आली. ऐतिहासिक हरियरपेठ ईदगाह, खदान ईदगाह, अकोट फाइल ईदगाह, नायगाव ईदगाह, शिवानी ईदगाह, याशिवाय शहरातील सर्व मशिदींमध्येही ईदची नमाज अदा करण्यात आली आणि श्रद्धाळूंनी अल्लाहचे आभार मानले..निशान समारंभ, एकता आणि बंधुत्वाचे प्रतीकअकोल्यात ईदच्या सकाळी एक ऐतिहासिक परंपरा पाहायला मिळते, जिथे लाल बंगला, सब्ज़ बंगला आणि काला चबूतरा येथून तीन निशान (ध्वज) काढले जातात आणि फुलरी चौकात एकत्र आणले जातात. त्यानंतर बैद बिरादरीतील युवक हे निशान पायी हरियरपेठ ईदगाहपर्यंत नेतात. ईदगाहावर हे निशान मीनारांवर स्थापित केल्यानंतरच ईदची नमाज सुरू होते. ही परंपरा अनेक वर्षांपासून चालू आहे आणि मोठ्या श्रद्धा आणि उत्साहाने साजरी केली जाते..सौहार्द आणि बंधुत्वाचा संदेशईदच्या निमित्ताने अकोल्यातील विविध सामाजिक संघटना आणि धार्मिक नेत्यांनी लोकांना शुभेच्छा दिल्या आणि समाजात प्रेम, शांतता आणि बंधुत्व टिकवण्याचा संदेश दिला. अकोल्यात ईदचा हा सण सर्वधर्मीय लोकांनी मिळून साजरा केला, ज्यामुळे अकोल्याची गंगा-जमुनी तहज़ीब पुन्हा अधोरेखित झाली..Cancer Research : कॅन्सरच्या निदानासाठी भारत-जपान तज्ज्ञ एकत्र, दोन दिवसीय कार्यशाळेत नांदेडच्या तज्ज्ञांना विशेष निमंत्रण.उलमा-ए-किरामचा संदेशमुफ्ती-ए-आजम गुलाम मुस्तफा साहेब, मुफ्ती अशफाक साहेब, मौलवी अब्दुल जब्बार साहेब, मौलवी सफदर खान, हाफिज गुलाम मुस्तफा आणि इतर सर्व उलेमांनी देशवासीयांना ईद-उल-फितरच्या शुभेच्छा देत देशात सदैव शांती, बंधुत्व आणि सलोखा कायम नांदो अशी प्रार्थना केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.