मलकापूर पांग्रा - कर्जबाजारीपणातून आणि सततची नापिकीमुळे मानसिक तणावात येथील संतोष जनार्दन काकडे (वय ४०) या शेतकऱ्याने शेतातील जांबाच्या झाडाला गळफास घेऊन जीवन संपविल्याची घटना मंगळवारी (ता. २) उघडकीस आली..या प्रकरणी संतोष यांचे भाऊ दारासिंग जनार्दन काकडे (वय ५०) यांनी साखरखेर्डा पोलिस स्टेशनमध्ये दिलेल्या तोंडी रिपोर्टवरून मर्ग दाखल करण्यात आला आहे. दारासिंग काकडे यांनी दिलेल्या माहितीनुसार, संतोष काकडे हे त्यांच्या पत्नी व मुलांसह शेतात राहत होते..यावर्षी अतिवृष्टीमुळे पीक आले नाही. त्याचबरोबर आजारपणासाठी मोठा खर्च झाल्याने ते कर्जात बुडाले होते. त्याच्याकडे दोन एकर शेती होती आणि बँकेचे ५० हजार रुपयाचे कर्ज, तसेच नातेवाईकांकडून घेतलेले हात उसने पैसे यामुळे ते सतत चिंतेत राहत होते.दरम्यान, ता. १ डिसेंबर रोजी रात्री कुटुंब झोपल्यानंतर संतोष बाहेर गेले. दुसऱ्या दिवशी सकाळी सुमारे सहा वाजता पत्नी वंदना यांनी शोध घेतला असता, ते शेतातील जांबाच्या झाडाला दोरीने गळफास घेतलेल्या अवस्थेत आढळले..कुटुंबीयांनी तात्काळ गावात ही बाब कळविली. शेतावर पोहोचताच संतोष मृतावस्थेत असल्याचे निदर्शनास आले. याप्रकरणी साखरखेर्डा पोलिसांनी मर्ग दाखल केला असून, पुढील तपास साखरखेर्डा पोलिस स्टेशनचे ठाणेदार गजानन करेवाड यांच्या नेतृत्वात बीट जमादार निवृत्ती पोफळे करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
