कोरोनाचे चौदा पॉझिटिव्ह रुग्ण, २३ जणांना डिस्चार्ज

अकोला ः शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे ६९० अहवाल प्राप्त झाले. त्यातील ६८१ अहवाल निगेटीव्ह तर नऊ जणांचे अहवाल पॉझिटिव्ह आले. रॅपिट अटिजेन चाचणीच पाच जणांचा अहवाला पॉझिटिव्ह आल्याने चौदा नव्या रुग्णांची भर पडली. दरम्यान, २३ जणांना डिस्चार्ज देण्यात आला. (Fourteen corona positive patients, 23 discharged)

बुधवारी दिवसभरात नऊ अहवाल पॉझिटीव्ह आले. त्यात तीन महिला व सहा पुरुषांचा समावेश आहे. त्यात मूर्तिजापूर एक, तेल्हारा-एक, अकोट-दोन, अकोला-पाच (अकोला ग्रामीण-दोन, अकोला मनपा क्षेत्र- तीन)आदी ठिकाणच्या रुग्णांचा समावेश आहे. आज दुपारनंतर शासकीय वैद्यकीय महाविद्यालयातून चार, गोयंका गर्ल्स हॉस्टेल येथील दोन, हॉटेल इंद्रप्रस्त येथील एक, आयकॉन हॉस्पीटल येथील एक, तर होम आयसोलेशन मधील १५ असे एकूण २३ जणांना डिस्चार्ज देण्यात आला. सध्या अकोला जिल्ह्यात ३७७ जणांवर उपचार सुरू आहेत.

Fourteen corona positive patients, 23 discharged