Akola News | मोफत धान्याच्या नावावर महिलेची फसवणूक | Sakal
sakal

बोलून बातमी शोधा

Free grain woman cheating Akola Charges filed against both

अकोला : मोफत धान्याच्या नावावर महिलेची फसवणूक

अकोला : ‘तुम्हाला मोफत धान्य हवे असेल तर आधी तुमचे दागिने काढून ठेवा, नाहीतर तुम्हाला धान्य मिळणार नाही’, असे सांगून रुग्णालयात निघालेल्या महिलेचे ८० हजाराचे दागिने घेऊन पोबारा करणाऱ्या दोन भामट्यांविरुद्ध सिटी कोतवाली पोलिस स्टेशनमध्ये गुन्हा दाखल करण्यात आला.

जुने शहरातील अगरवेस परिसरातील ६२ वर्षीय महिला तिच्या नातवासोबत काला चबुतरा येथील एका हॉस्पीटलमध्ये उपचार घेत असलेल्या मुलीचा डबा घेऊन जात होती. वृद्धेला बघून पांढऱ्या रंगाचे मास्क लावलेल्या भामट्यांनी गांधी चौक येथे कुल्फीचे दुकानासमोर ‘अम्मा तुमको फ्री का राशन मिला क्या, चलाे सामने मिल रहा है’ असे म्हणून गांधी रोडवरील प्रकाश ज्वेलर्सचे बंद दुकानासमोर नेले.

तेथे आधीच एक जण पायरीवर बसलेला होता. तो म्हणाला की मोफत राशन देणाऱ्याला मी येथे घेऊन येतो. तोपर्यंत तुमचे अंगावरील दागिने काढून थैलीत ठेवा. नाहीतर तुमचे दागिने पाहून तुम्हाला तो मोफत राशन देणार नाही. त्याच्यावर विश्वास ठेऊन महिलेने दागिने काढले आणि थैलीमध्ये ठेवत असतानाच थैलीची गाठ बांधतो म्हणून पिशवी जवळ घेतली व गाठ बांधण्याच्या नावाखाली दागिने काढून घेतले.

राशन घेऊन येतो असे म्हणून तेथून पोबारा केला, बराच वेळ झाल्यानंतर दोघेही आले नाही म्हणून थैलीत बघितले असता सोन्याचे दागीने सेवन पिसची १० ग्रॅम पोथ, सोन्याचे कानातील बाली नऊ ग्रॅम असे १९ ग्रम दागिने त्याची किंमत ८५ हजार व नगदी दोन हजार असा मुद्देमाल भामटे घेऊन पसार झाल्याचे वृद्धेच्या लक्षात आले. त्यांनी तातडीने सिटी कोतवाली पोलिस स्टेशन गाठून तक्रार दिली. पोलिसांनी अज्ञात आरोपीविरुद्ध गुन्हा दाखल करून त्यांचा शोध सुरू केला आहे.

Web Title: Free Grain Woman Cheating Akola Charges Filed Against Both

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :AkolaFood GrainsWoman