Akola
esakal
अकोला: महा-आयटी पोर्टलच्या तांत्रिक अडचणीमधून आपले सरकार सेवा केंद्र चालक आणि नागरिक सावरत असतानाच आता महा-डीबीटी पोर्टलच्या सेवाही विस्कळीत झाल्या आहेत. महाडीबीटी २.० या नव्या आवृत्तीत स्थलांतर करण्याच्या प्रक्रियेमुळे राज्यातील ७२ योजनांच्या सेवा १ जूनपासून १५ जूनपर्यंत तात्पुरत्या बंद करण्यात आल्या आहेत. परिणामी विद्यार्थ्यांसह शेतकरी, ज्येष्ठ नागरिक आणि लाभार्थ्यांना मोठा मनस्ताप सहन करावा लागत आहे.
