सबस्क्राईब करा
Akola News : राज्य शासनाने मराठा-कुणबी नोंदी शोधण्याचा निर्णय घेतला आहे. महानगरपालिका क्षेत्रातही या नोंदी शोधण्यात येत असून, शहरातील मराठा समाज बांधवांच्या सर्वेक्षणाची तयारी करण्यात आली आहे. ॲपच्या माध्यमातून हे सर्वेक्षण केले जाणार आहे.
मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्या उपस्थितीत राज्यभरातील सर्वच स्थानिक स्वराज्य संस्थांच्या पदाधिकाऱ्यांची गेले मंगळवारी व्हिडीओ कॉन्फरन्सिंगद्वारे बैठक पार पडली.
या बैठकीला अकोला महानगरपालिका आयुक्त तथा प्रशासक कविता द्विवेदीसुद्धा उपस्थित होत्या. शहरातील मराठा समाज बांधवांचे सर्वेक्षण करण्याचे निर्देश मुख्यमंत्री एकनाथ शिंदे यांनी बैठकीत दिले.
अकोला शहरात घरोघरी जाऊन हे सर्वेक्षण करण्यात येणार आहे. त्यासाठी ॲप विकसीत करण्यात आले असून, महानगरपालिकेच्या ३०० कर्मचाऱ्यांची या सर्वेक्षणासाठी नियुक्ती करण्यात आली आहे. आठ दिवसांमध्ये हे सर्वेक्षण पूर्ण करून राज्य मागासवर्गीय आयोगाला पाठविण्यात येणार आहे.
पुणे येथे गोखले व रानडे इन्स्टिट्यूट यांनी एक ॲप तयार केले असून, या ॲपमध्ये मराठा समाज बांधवांची माहिती भरण्यात येणार आहे. त्यापूर्वी महापालिकेतील कर्मचाऱ्यांना प्रशिक्षण देण्यात येणार असून, नंतर युझर व आयडी देण्यात येतील. त्यासाठी महापालिका आयुक्त कविता द्विवेदी यांनी ३०० कर्मचाऱ्यांची या सर्वेक्षणासाठी नियुक्ती केली आहे.
मराठा समाजाच्या नोंदी घेण्यासाठी घरोघरी जाऊन सर्वेक्षण करण्यात येणार आहे. त्यासाठी महानगरपालिकेच्या मूळ हद्दीसह वाढीव क्षेत्रातील दीड लाख घरांपर्यंत पोहोचण्याचे आव्हाण मनपा कर्मचाऱ्यांपुढे राहणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.