MSRTC Hirkani Bus : प्रवास होणार आणखी आरामदायी एसटीला मिळणार २०० नवीन ‘हिरकणी’

Akola News : महिलांसाठी ५० टक्के बस प्रवासातील सवलत, ही योजना महाराष्ट्र राज्य परिवहन महामंडळासाठी जीवदान ठरले आहे. मात्र, वाढीव प्रवाशी संख्येचा सामना करण्याची क्षमता एसटीमध्ये नाही.

त्यावर तोडगा म्हणून एसटीला नवीन २०० हिरकणी बस उपलब्ध करून दिल्या जात आहे. या बसची निर्मिती मध्यवर्ती कार्यशाळा दापोडी येथे सुरू आहे. बीएस सहा नवीन हिरकणी बस आता नवीन रंगामध्ये प्रवाशांच्या सेवेत दाखल होणार आहे. यापूर्वी गुलाबी रंगसंगती असलेल्या हिरकणीला आता जांभळा रंग देण्यात येत आहे.

अतिशय सुंदर अशी बांधणी असलेली ही नवीन हिरकणी लवकरच लांब पल्ल्याच्या प्रवासात प्रवाशांच्या सेवेत उपलब्ध होणार आहे. मध्यवर्ती कार्यशाळा दापोडी या ठिकाणी १२० हिरकणी बसेस बांधण्यात येणारआहे.

त्यापैकी ५० पेक्षा जास्त गाड्या बांधून झाल्या आहेत. त्यासोबतच मध्यवर्ती कार्यशाळा चिखलठाणा, संभाजीनगर या ठिकाणी ५० हिरकणी बसेस बांधणी होणार आहे. मध्यवर्ती कार्यशाळा हिंगना, नागपूर या कार्यशाळेत ३० बसेस बांधण्यात येणार आहे.

अतिशय सुंदर अशा २०० बसेस महाराष्ट्रात वेग वेगळ्या मार्गांवर लवकरच धावताना दिसणार आहे. त्यामुळे एसटीच्या जुना बसमधून प्रवास करताना होणाऱ्या त्रासातून काही प्रमाणात तरी प्रवाशांची सुटका होईल.