Akola : पूजेच्या ताटात ठेवलेली पाच ग्रॅम वजनाची सोन्याची अंगठी गाईने गिळली; 'मेटल डिटेक्टर'ने लावला अंगठीचा शोध, नेमकं काय घडलं?

पथ्रोट (अकोला) : पूजेच्या ताटात ठेवलेली पाच ग्रॅम वजनाची सोन्याची अंगठी (Gold Ring) नैवेद्यासोबत नजरचुकीने गाईला खाऊ घालण्यात (Murhadevi Akola News) आल्याची घटना भाऊबीजेच्या दिवशी मुऱ्हादेवी येथे घडली. ही चूक लक्षात आल्यावर घरातील अख्खे कुटुंब चिंतेत होते. परंतु पथ्रोट येथील पशुधन विकास अधिकारी डॉ. रोशन वेरुळकर यांनी मेटल डिटेक्टरद्वारे शोध घेऊन गाईवर यशस्वी शस्त्रक्रिया केल्यानंतर ती सोन्याची अंगठी बाहेर काढून कुटुंबाच्या हवाली करण्यात आल्याची अफलातून घटना येथे घडली.