राष्ट्रीय अचिव्हमेंट सर्व्हे; सिंधुदुर्ग, कोल्हापूर, सोलापूर राज्यात अव्वल | Sakal
sakal

बोलून बातमी शोधा

National Achievement Survey Sindhudurg Kolhapur Solapur top in state

राष्ट्रीय अचिव्हमेंट सर्व्हे; सिंधुदुर्ग, कोल्हापूर, सोलापूर राज्यात अव्वल

नंदोरी : देशभरात घेण्यात आलेल्या नॅशनल अचिव्हमेंट सर्वेक्षणाद्वारे संपूर्ण भारतातील ७२० जिल्ह्यांमधील १ लाख ८ हजार शाळांमधील ३४ लाखांहून अधिक विद्यार्थ्यांचे मूल्यांकन करण्यात आले. या मूल्यांकनानुसार राज्यात सिंधुदुर्ग, कोल्हापूर, सोलापूर जिल्हे अव्वल आहे, तर टक्केवारीच्या तुलनेत विदर्भ शैक्षणिक माघारलेलाच असल्याचे दिसते. गेल्या वर्षी १२ नोव्हेंबर रोजी हे सर्वेक्षण करण्यात आले. यापूर्वी २०१७ मध्ये हे सर्वेक्षण करण्यात आले होते.

२०२१ मध्ये राज्यातील ७ हजार २२६ शाळांत २ लाख १६ हजार ११७ विद्यार्थ्यांचा या सर्वेक्षणात सहभाग होता. या विद्यार्थ्यांमध्ये इयत्ता ३, ५, ८ व १०व्या वर्गातील विद्यार्थ्यांचा समावेश आहे. राज्यात तिसऱ्या वर्गात सिंधुदुर्ग जिल्हा (७३.२ टक्के) अव्वल राहिला. त्याची राष्ट्रीय टक्केवारी ५९ टक्के आहे. पाचव्या वर्गात सोलापूर जिल्हा (६०.७ टक्के), आठव्या वर्गात कोल्हापूर जिल्हा (५०.८ टक्के) आणि दहाव्या वर्गात सिंधुदुर्ग जिल्हा (४३.७ टक्के) अव्वल राहिला आहे.

विदर्भातून तिसऱ्या वर्गात गोंदिया, पाचव्या व आठव्या वर्गात वाशीम, तर दहाव्या वर्गात नागपूर हे जिल्हे टक्केवारीनुसार अव्वल आहेत. मात्र, ही टक्केवारी विचारात घेता राष्ट्रीय अचिव्हमेंट सर्वेक्षणात विदर्भ शैक्षणिकदृष्ट्या माघारलेला असल्याचे दिसून येते. राष्ट्रीय अचिव्हमेंट सर्वेक्षणात इयत्ता तिसरीच्या ९९ टक्के, तर पाचवी, आठवी आणि दहावीच्या ९८ टक्के विद्यार्थ्यांना शाळेत जाणे आवडत असल्याचे निदर्शनास आले.

राष्ट्रीय सरासरी टक्केवारी

  • इयत्ता तिसरी ५९ टक्के

  • इयत्ता पाचवी ४९ टक्के

  • इयत्ता आठवी ४१.९ टक्के

  • इयत्ता दहावी ३७.८ टक्के

Web Title: National Achievement Survey Sindhudurg Kolhapur Solapur Top In State

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top