उड्डाणपुलावर लावावे लागले ‘नो पार्किंग’

अकोला - शहराचा विकास होत नाही म्हणून सतत बोटे मोडत बसणाऱ्यांना विकास कामे बघविल्या जात नसल्याचे प्रकारही समोर आले आहे. चक्क उड्डाणपुलावर पोलिसांना ‘नो पार्किंग’चे फलक बसविण्याचे बेळ काही टवाळखोरांमुळे आहे. या बेशिस्तपणामुळे पोलिसांची डोकेदुखी वाढली आहे.

अकोला शहरातून दोन नवीन उड्डान पुल नुकतेच वाहनांसाठी खुले करण्यात आले. मात्र, अकोल्यातील बेशिस्त वाहन चालक हे उड्डान पुलावरच बकायदेशीररित्या वहाने थंबवून सेल्फी काढत बसतात. त्यामुळे गंभीर अपघाताला निमंत्रण मिळत आहे. अकोल्यातील काही ‘आवारा मजनू’ हे प्रेयसीची नावे दिल काढून भीतीवर रेखाटून उड्डान पुलाचे सौंदर्य खराब करीत आहे. त्याची वाहतूक पोलिसांनी गांभिर्याने दखल घेत उड्डाण पुलावर नो पार्किंगचे सूचना फलक लावले. अकोल्यातील वाहतुकीली बेशिस्त म्हणाऱ्या याच वाहन चालकांनी आता स्वतःलाही शिस्त लावणे अपेक्षित आहे.