Akola Accident : इंदोर ते अकोला जाणारी खाजगी ट्रॅव्हल बस कोसळली करोली घाटात

इंदोर ते अकोला जाणारी खाजगी ट्रॅव्हल बस बुऱ्हाणपूर ते जळगाव जा दरम्यान करोली घाटात 50 ते 60 फूट खोल दरीत कोसळली.ही घटना 27 एप्रिल चे पहाटे 5 ते 6 वाजे दरम्यान घडली असून बस मध्ये 40 ते 45 प्रवासी होते. सुदैवाने जीवित हानी नसून जखमी ना उपचारासाठी नेण्यात आले.

प्राप्त माहिती नुसार इंदोर वरून अकोला येणारी( रॉयल ट्रॅव्हल ) मध्यप्रदेश मधील शिकारपूरा पोलीस स्टेशन हद्दीतील कोरोली घाटात जास्वंदी आदिवासी गावाजवळ दरीत कोसळली. या मध्ये महाराष्ट्रात येणारे 40 ते45 प्रवासी संख्या असल्याचे समजते.

बस कोसळल्या ची माहिती मिळताच जास्वंदी येथील सरपंच शब्बीर तडवी यांनी नागरिकांसह घटनास्थळी धाव घेतली. आणि जखमी ना बस मधून काढून उपचारासाठी ग्रामपंचायत मध्ये व्यवस्था करून चाय पाणी नास्टा दिला. तातडीने शिकारपुरा पोलीस ही घटनास्थळी दाखल होऊन मदत कार्य केल्याचे समजते.