Retired police officer showcasing his watermelon crop cultivated on 1.5 acres using modern agricultural techniques.
Sakal
मूर्तिजापूर : तालुक्यात बागायती व फळबाग शेतीकडे शेतकऱ्यांचा कल वाढताना दिसत असून पारंपरिक पिकांना फाटा देत आधुनिक तंत्रज्ञानाचा वापर करून अनेक शेतकरी लाखोंचे उत्पन्न मिळवत आहेत. याचाच प्रत्यय तालुक्याच्या दक्षिणेकडील कंझरा येथील निवृत्त पोलिस अधिकारी दिलीप महादेव नागोलकर आणि त्यांचे कृषी पदवीधर पुत्र मंगेश नागोलकर यांच्या यशोगाथेतून आला आहे. अवघ्या दीड एकर क्षेत्रात टरबूज लागवड करून त्यांनी तब्बल साडेपाच लाख रुपयांचे निव्वळ उत्पन्न मिळविले आहे.