सेवानिवृत्त सैनिकाने ताणली एलआयसी अधिकाऱ्यावर बंदूक

फिर्यादी विशाल माऊलीकर हे एलआयसीमध्ये अधिकारी असून त्यांचे व पत्नीचे गत अनेक दिवसांपासून वाद होते.
Gun
GunCrime

अकोला - पती-पत्नीच्या वादामध्ये फिर्यादीला सेवानिवृत्त जवानाने बंदुकीच्या धाकावर धमकी देत मारहाण करून एकास जखमी केल्याची घटना शनिवारी (ता.९) सायंकाळच्या सुमारास स्थानिक अशोक वाटिका चौकात घडली. या प्रकरणी सिटी कोतवाली पोलिसांनी पिस्तलसह तीन आरोपींना ताब्यात घेत गुन्हा दाखल केला आहे.

फिर्यादी विशाल माऊलीकर हे एलआयसीमध्ये अधिकारी असून त्यांचे व पत्नीचे गत अनेक दिवसांपासून वाद होते. हे वाद सोडवता यावेत यासाठी त्यांनी बोरगाव हद्दीतील मांत्रिक राठोड महाराज यांची मदत घेतली. याकरिता राठोड महाराज यांनी त्यांच्याकडून २ लाख रुपये घेत काही दिवसाचा कालावधी देऊन वाद सोडविण्याचे आश्वासन दिले. मात्र वर्षे उलटूनही वाद होत असल्याने विशाल माऊलीकर यांनी दिलेले पैसे परत मागितले. त्यामुळे मांत्रिक राठोड महाराज यांने १ लाख ५० हजार रुपये परत करत ५० हजार रुपये बाकी ठेवले.

Gun
पाचही मुलीच झाल्याने तलाक, तलाक, तलाक

उर्वरित पैसे परत न मिळाल्याने माऊलीकर यांनी पैशासाठी तगादा लावला. यादरम्यान मांत्रिक राठोड महाराज यांचे परिचित असलेले आरोपी गणेश उत्तम गवई सेवानिवृत्त जवान यांनी महाराजाला त्रास का देतो ? तुमच्या पती-पत्नीचे वाद सार्वजनिक करतो म्हणून अशोक वाटिका चौक येथे बोलावून घेतले. या ठिकाणी त्यांच्यामध्ये शाब्दिक वाद होऊन पिस्तल दाखवून धमकी देत मारहाण करण्यात आली. या प्रकरणी सिटी कोतवाली पोलिसांनी तात्काळ घटनास्थळी धाव घेत आरोपी गणेश उत्तम गवई सेवानिवृत्त जवान, राहुल जाधव, वैभव वर यांना पिस्टलसह ताब्यात घेतले. या प्रकरणी वृत्त लिहेपर्यंत सिटी कोतवाली पोलिस स्टेशन येथे गुन्हे दाखल करण्याची प्रक्रिया सुरू होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com