नायगाव - नांदेडवरुन गुजरातला जाणारा ट्रकचा अकोला जिल्ह्यातील पातूर येथे अपघात झाला. या अपघातात नायगाव तालुक्यातील सोमठाणा येथील दोघांचा मृत्यू झाल्याची घटना (ता.१३) रोजी पहाटे ४ वाजताच्या दरम्यान घडली. .मिळालेल्या माहितीनुसार, नायगाव तालुक्यातील सोमठाणा येथील संजय कदम हे ट्रक चालक होते. हैदराबाद वरुन नायगाव नांदेड मार्गाने गुजरातला जात होते. पण नायगाव तालुक्यातील सोमठाणा हे कदम यांचे गाव असल्याने त्यांनी गावाकडे मुक्काम करुन जातांना आपला मित्र नामदेव दादाराव शिंदे यास सोबत घेवून (ता. १२) रोजी रात्री १० वाजताच्या दरम्यान टि एस १५/ यु ए ११०७ या ट्रकमधून गुजरातकडे निघाले होते..मात्र अकोला जिल्ह्यातील पातूर येथे या गावाजवळ (ता. १३) रात्री पहाटे ४ वाजताच्या दरम्यान ट्रकचा अपघात झाला आणि ट्रक रोडच्या बाजूला असलेल्या खड्ड्यात पडला. अपघाताची तिव्रता एवढी होती या अपघातात ट्रकचा चुराडा झाला. यात सोमठाण्याचे चालक असलेले संजय कदम व सोबत असलेला मित्र नामदेव शिंदे यांचा मृत्यू झाला आहे..या घटनेची माहिती समजल्यानंतर गावचे सरपंच परमेश्वर कदम व घरातील मंडळी घटनास्थळी पोहचले. दोन्ही मृतदेहाची अकोला येथील जिल्हा रुग्णालयात उत्तरीय तपासणी करुन सोमठाणा येथे अंत्यसंस्कार करण्यात येणार आहेत. या अपघातामुळे सोमठाणा येथील दोन तरुणांचा जीव गेल्यामुळे गावात हळहळ व्यक्त करण्यात येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
