लसीकरणाची गती वाढणार, १३ हजार डोस मिळाले

अकोला ः कोरोना प्रतिबंधात्मक लसीकरणासाठी जिल्ह्याला १३ हजार लसींचे डोस मिळाले आहेत. त्यामध्ये कोव्हॅक्सिनच्या ६ हजार १०० तर कोव्हिशिल्डच्या ६ हजार ९०० लसींचा समावेश आहे. सदर लसींचा साठा अल्प असला तरी त्यामुळे लसीकरणाची गती वाढेल. (Vaccination speed will increase, 13,000 doses received)

कोरोना ससंर्गाला आळा घालण्यासाठी लसीकरणाशिवाय तूर्तास दुसरा कोणताच उपाय सध्या उपलब्ध नसल्याचे मत वैद्यकीय क्षेत्रातील तज्ज्ञांनी व्यक्त केले आहे. त्यामुळे राज्यासह जिल्ह्यात कोरोना प्रतिबंधात्मक लसीकरण करण्यात येत आहे. लसीकरणाच्या पहिल्या टप्प्यात कोरोना योद्धा व वैद्यकीय कर्मचाऱ्यांचे लसीकरण करण्यात आले. त्यानंतर १ मार्चपासून शासनाने ६० वर्षांवरील ज्येष्ठ नागरिक व दुर्धर आजारग्रस्तांचे लसीकरण करण्याच्या सूचना आरोग्य विभागाला दिल्या होत्या. १ एप्रिलपासून ४५ ते ५९ वयोगटातील नागरिकांसाठी लसीकरण करण्याची मोहीम राबविण्यात येत आहे. दरम्यान आता १८ वर्ष वयोगटातील लाभार्थांना सुद्धा लस देण्यात येत आहे. परंतु लसींचा अल्प साठा मिळत असल्याने जिल्ह्यातील लसीकरण मोहीमेची गती मंदावत आहे. दरम्यान आता जिल्ह्यासाठी १३ हजार लसींचे डोस मिळाल्याने लसीकरणाची गती वाढेल.

Vaccination speed will increase, 13,000 doses received