बार्शीटाकळी (जि. अकोला) - शेतात चालू असलेल्या घरगुती कार्यक्रमात अचानक मधमाशांनी हल्ला केल्याने एका तीस वर्षीय महिलेचा मृत्यू झाल्याची घटना ता. २४ फेब्रुवारी रोजी तालुक्यातील काजळेश्वर शेतशिवारात घडली.
मिळालेल्या माहितीनुसार, बार्शीटाकळी तालुक्यातील काजळेश्वर शेतशिवारातील एका शेतात ता. २४ फेब्रुवारी रोजी घरगुती रोडगे जेवणाचा कार्यक्रम चालू होता. रोडगे बनवत असताना निघालेल्या धुरामुळे परिसरातील आगेमोहावरील मधमाशा उठून कार्यक्रमात सहभागी असलेल्या सात जणांवर तुटून पडल्या.
यामध्ये रेश्मा अतिश पवार (वय-३०) ह्या महिला गंभीर जखमी झाल्या. जखमी अवस्थेत त्यांना शासकीय वैद्यकीय महाविद्यालय व सर्वोपचार रुग्णालयात उपचारासाठी दाखल करण्यात आले. परंतु, मृत्युशी झुंज देत असताना त्यांची प्राणज्योत मावळली.
अतिश पवार (वय-१०), महेक अतिश पवार (वय-८), मीरा प्रकाश पवार (वय-५०), कावेरी प्रमोद राठोड, सेजल प्रमोद राठोड, धनंजय प्रमोद राठोड, प्रकाश पांडू पवार हे जखमी झाले आहेत. रेश्मा पवार यांच्या पश्चात एक मुलगा, एक मुलगी, पती असून, दोन मुले पोरक्या झाल्याने काजळेश्वर परिसरात हळहळ व्यक्त होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.