अहमदनगर : मुलं गरिबाघरची असो नाही तर श्रीमंताघरची, त्यांचे हट्ट कमी-अधिक प्रमाणात सारखेच असतात. बाबाने आपल्यासोबत खेळलं पाहिजे. गिफ्टसाठी हट्ट केला तर तो पुरवलं पाहिजे, असंच कोणत्याही घरातील बच्चे कंपनीला वाटतं. काही बाबांना मुलांसाठी ठरवूनही वेळ काढता येत नाही. ड्युटी, बिझनेस, परिस्थिती अशी अनेक कारणं त्यासाठी आडवी असतात. काहीजण यात सुवर्णमध्य साधून मुलांचं समाधान करतात. (MLA Rohit pawar has shared a video of his daughter anandita being taught to ride a bicycle)

कर्जत-जामखेडचे आमदार रोहित पवारांच्या (MLA Rohit pawar) घरातही हेच घडलं. त्यांच्या लेकीने सायकल (ride a bicycle) शिकवण्याचा हट्ट धरला. कामाच्या व्यापामुळे त्यांना वेळ काढता येत नव्हता. सध्या कोरोनाचा काळ असल्याने त्यांचा बराचसा वेळ कोविड सेंटरमधील रूग्णांची काळजी, सोयीसुविधांसाठी तसेच मतदारसंघातील कामांमध्येच जातो. काल त्यांच्या लग्नाचा वाढदिवस असल्याने त्यांनी आवर्जून वेळ काढला. तो दिवस त्यांनी पत्नी कुंती, मुलगी आनंदिता आणि मुलगा शिवांशसोबत घालवला.

मुलगी आनंदिता (daughter anandita) बाबांकडे नेहमी सायकल चालवायला शिकवण्यासाठी हट्ट करायची. बाबांना वेळ मिळत नसल्याने तो प्लॅन पुढे ढकलावा लागत होता. लग्नाच्या वाढदिवशी वेळ काढून मुलीला सायकल शिकवली. एकाच दिवसात ती चांगल्या प्रकारे सायकल चालवू लागली. आताची पिढी स्मार्ट आहे.

याबाबत स्वतः रोहित पवार यांनी ट्विट करून लेकीचं कौतुक केलं आहे. सोबत सायकल शिकवतानाचा व्हिडिओही शेअर केला आहे.

रोहित पवार यांचेही इतरही राजकीय नेत्यांप्रमाणेच शेड्युल बिझी असते. परंतु त्यातूनही ते मुलांसाठी आवर्जून वेळ काढण्याचा प्रयत्न करतात. अधिवेशन संपलं की किंवा इतर कामं आटोपली की मुलांना खेळणी घेण्यासाठी दुकानात जातात. आपल्यासोबत इतर सहकाऱ्यांनाही घेऊन जातात. त्याचीही माहिती ते देत असतात.

मुलगी आनंदिताने लग्नाच्या वाढदिवशी आम्हा दोघांना छान गिफ्ट दिलं. तिने स्वतः स्केच केलेले पेटिंग दिले. हे माझ्यासाठी खूप मोलाचे आहे. त्या पेटिंगसह रोहित पवार यांनी सोशल मीडियात पोस्ट शेअर केली आहे.(MLA rohit pawar has shared a video of his daughter anandita being taught to ride a bicycle)