आगर (जि.अकोला)  ः येथून जवळच असलेल्या ग्राम नवथळ गटग्रामपंचायत गेल्या अनेक वर्षा पूर्वी माजी राष्ट्रपती ए.पी.जे. अब्दुल कलाम यांच्या हस्ते निर्मल ग्राम पुरस्कार प्राप्त झाला आहे. निर्मल ग्राम पुरस्कार प्राप्त गावात गेल्या अनेक वर्षापासून गृहविभागाचे महत्त्वाचे असलेले पोलिस पाटील पद रिक्त आहे.

सदर पदभरती करावी यासंदर्भात गावातील समाजसेवा राजेंद्र तेलगोटे यांनी अनेक वेळा महसूल विभागाकडे अर्ज सादर केला आहे; परंतु अद्यापही गृह विभाग पद भरती करण्यास तयार नसल्यामुळे ग्रामस्थांना अनेक अडचणीला समोर जावे लागत आहे.

यासंदर्भात तेलगोटे यांनी विधानसभा अध्यक्ष नानासाहेब पटोले यांच्याकडे या गावातील रिक्त असलेले एसटी महिला गटातील पद भरावे याकरिता विनंती अर्ज सादर केला आहे.

• घरगुती सिलिंडरचा होतोय व्यावसायिक वापर, जप्त केले १७ सिलिंडर

या अर्जाबाबत विधानसभा अध्यक्ष नाना पटोले यांनी यासंदर्भात अकोला जिल्हाधिकारी यांना लेखी पत्र देऊन पोलिस पाटील पद का रिक्त आहे, यासंदर्भात लेखी अहवाल मागितला आहे.

अहवाल शासनाकडे सादर करणार
ग्राम नवथळ येथील रिक्त पोलिस पाटील पदा संदर्भात गृह विभागाच्या माध्यमातून अनेक तक्रारी प्राप्त झाल्या आहेत. यासंदर्भात अकोला पालकमंत्री यांच्यामार्फत सुद्धा या पदाबाबत अनेक वेळा पत्र प्राप्त झाले आहेत. या अगोदर पोलिस पाटील पद एसटी गटासाठी आरक्षित करण्यात आले होते.

• शेतकऱ्यांची थट्टा; मका, ज्वारी खरेदी केंद्र सुरू होण्या पूर्वीच बंद

परंतु एसटी गटातील महिला यांच्याकडे उपविभागीय अधिकारी यांचे जात प्रमाणपत्र तसेच जात वैधता प्रमाणपत्र नसल्यामुळे सदर पद २०१५ पासून रिक्त आहे. यासंदर्भात अनेक वेळा तक्रारी प्राप्त झाल्यामुळे सदर पद एसी महिला गटासाठी आरक्षित करण्यात आले. परंतु शासनाच्या आदेशामुळेसदर पद रिक्त ठेवण्यात आले.

• सर्वसाधारण सभेतील वेळेवरच्या विषयांना स्थगिती!

यासंदर्भात आपणाकडे अनेक वेळा तक्रारीप्राप्त झाल्या आहेत. या तक्रारीनुसार आपण या संदर्भात सखोल चौकशी करून गृह विभागाकडे तसेच विधानसभा अध्यक्ष नानासाहेब पटोले यांच्याकडे यासंदर्भात सविस्तर अहवाल पाठवणार असल्याची माहिती निवासी उपजिल्हाधिकारी डॉ. संजय खडसे यांनी दिली.

(संपादन - विवेक मेतकर)