आज कामिका एकादशी असून दुपारी २ वाजून ३३ मिनिटांपर्यंत राहणार. आजचा दिवस शुभ आहे त्यामुळे तुमच्या मनातील मनोकामना दूर होतील. जर मनाला क्लेश देणारी पापे आपल्या हातून कळत नकळत घडली असल्यास आज एकादशीचे व्रत अवश्य करावे. यशाशक्ती उपवास करुन दुसऱ्या दिवशी उपवास सोडावा. यामुळे तुमचे पापे दूर होतील.

आज कामिका एकादशीनिमित्त आळंदी येथे यात्रा आहे. विठ्ठलाची आराधना करण्यासाठी आणि एकादशीच्या शुभ मुहूर्तावर संताचे दर्शन घेण्यासाठी हा उत्तम योग आहे. आज तुम्ही एकादशी व्रत करुन तुमच्या मनातील इच्छा पुर्ण करू शकतात. याशिवाय या व्रताने तुमच्या हातून नकळत घडलेली पाप नष्ट होतील आणि तुम्ही पापमुक्त व्हाल.

आज कामिका एकादशीला तीन शुभ योग तयार होत आहेत - द्विपुष्कर योग, वृद्धी योग आणि ध्रुव योग. सूर्योदयापासून दुपारी २ वाजेपर्यंत वृद्धी योग असतील. यानंतर ध्रुव योग सुरू होईल. दुस-या दिवशी रात्री १० ते पहाटे ५:३८ पर्यंत द्विपुष्कर योग असेल.

याशिवाय कामिका एकादशीच्या दिवशी सूर्योदयापूर्वी उठून स्नान करून स्वच्छ वस्त्र परिधान करावे. घरामध्ये कांदा, लसूणचे सेवन करू नये. एकादशीच्या पूजेच्या सकाळ संध्याकाळ शुद्ध वस्त्र परिधान करूनच व्रत कथा ऐकावी. एकादशीच्या पूजेमध्ये कुटुंबात शांततापूर्ण वातावरण ठेवा. या दिवशी आसनावर बसून 'ओम नमो भगवते वासुदेवाय' या मंत्राचा १०८ वेळा जप करावा.