नवी दिल्ली : शब्दांचा खजिना म्हणून 'ऑक्सफर्ड डिक्शनरी' (शब्दकोश) जगभरात प्रसिद्ध आहे. आपल्याला बऱ्याचशा शब्दांचा अर्थ या डिक्शनरीमधून मिळण्यास मदत होते. आत्तापर्यंत भारतातील अनेक प्रचलित शब्द या डिक्शनरीमध्ये घेण्यात आले आहेत. त्यानंतर आता या डिक्शनरीमध्ये 'चड्डी' या शब्दाचा समावेश करण्यात आला आहे.

यापूर्वी या इंग्रजी ऑक्सफर्ड डिक्शनरीमध्ये शॉर्ट ट्राऊझर्स, शॉर्टस् या शब्दांसह अंडरविअर, अंडरपँट या शब्दांचा वापर करण्यात आला होता. मात्र, आता हिंदी आणि मराठी भाषेत सर्वांत प्रचलित अशा चड्डी या शब्दाचा उल्लेख केला गेला आहे.

दरम्यान, मार्चमध्ये ऑक्सफर्ड डिक्शनरीत सुमारे 650 शब्दांचा समावेश केला जाणार आहे. यामध्ये चड्डीचा उल्लेख असणार आहे.