देशाची राजधानी दिल्लीतील गोकुळपुरी (Delhi Gokulpuri) भागात एक मोठी दुर्घटना घडलीय. रात्री उशिरा येथील झोपडपट्टीला आग लागलीय. या आगीत 7 जणांचा होरपळून मृत्यू झालाय. मिळालेल्या माहितीनुसार, आग लागताच या घटनेची माहिती अग्निशमन विभागाला देण्यात आली. दरम्यान, अग्निशमन दलाचं पथक तातडीनं घटनास्थळी पोहोचलं आणि अथक प्रयत्नानंतर आग आटोक्यात आणण्यात आली..

दिल्ली अग्निशमन दलानं (Delhi Fire Brigade) दिलेल्या माहितीनुसार, काल (शुक्रवार) रात्री उशिरा ही घटना घडलीय. गोकुळपुरीत आग लागल्याची माहिती त्यांना मिळाली. त्यानंतर माहिती मिळताच तात्काळ पथकं घटनास्थळी पोहोचलं आणि आगीवर नियंत्रण मिळवण्याचे शर्थीचे प्रयत्न करण्यात आले. यावेळी अग्निशमन दलाला 7 जळालेले मृतदेह सापडले. दरम्यान, दिल्ली अग्निशमन विभागानं या 7 जणांचा मृत्यू झाल्याची पुष्टी केलीय. याबाबचा अधिक तपास पोलिस (Delhi Police) करत आहेत.