Crime News : नूह येथील कुंडली-मानेसर-पलवल (KMP) एक्स्प्रेस वेजवळ 35 वर्षीय ड्रायव्हरचा खून केल्याप्रकरणी पिता-पुत्र दोघांनाही अटक करण्यात आलीये.

पोलिसांनी सांगितलं की, चौकशीदरम्यान आरोपींपैकी एकानं गुन्ह्याची कबुली दिली आहे. पीडितेनं त्याच्या लैंगिक प्रवृत्तीबद्दल अपमानास्पद टिप्पणी केली आहे. 29 डिसेंबर रोजी तौरु पोलीस स्टेशनला (Tauru Police Station) KMP जवळील नाल्यात एक मृतदेह पडल्याचा फोन आला. पीडित सोंबीर (Sombir) हा मूळचा भिवानी येथील बिर्ही खुर्दचा रहिवासी आहे. काका राज सिंग यांच्या तक्रारीवरून खुनाचा गुन्हा दाखल करण्यात आला आहे, असं पोलिसांनी सांगितलं.

28 डिसेंबर रोजी आरोपी गुडगावच्या वजीरपूर इथं गेले, तिथं त्यांनी सोंबीरला जबरदस्तीनं कारमध्ये बसवलं आणि मारहाण केली. सोंबीरचा गळा दाबल्यानंतर आरोपींनी नूह इथं एक्स्प्रेस वेला लागून असलेल्या नाल्याजवळ मृतदेह फेकून दिला, असंही पोलीस म्हणाले. तौरु पोलिसांच्या गुन्हे शाखेनं सुरेश कुमार आणि त्याचा मुलगा राजकुमार यांना रविवारी उत्तर प्रदेशातील मथुरामधील गावातून अटक केली.

फिर्यादीत म्हटलंय, सोंबीर हा वजीरपूर येथील एका कंपनीत ड्रायव्हर म्हणून काम करत होता. मात्र, काही दिवसांपासून तो मूळ घरी परतला नव्हता. कोणीतरी त्याचा खून करून मृतदेह नुह इथं फेकून दिल्याचा संशय फिर्यादीनं व्यक्त केला. त्यानुसार तक्रार दाखल केली. दरम्यान, आरोपींनी गुन्ह्याची कबुली दिली आहे.