नवी दिल्ली : खत निर्मितीच्या कारखान्यातून पुढील 36 महिन्यांत उत्पादन सुरु होईल आणि याच्या उद्घाटनाला मीच येईन, असा विश्वास पंतप्रधान नरेंद्र मोदींनी आज (शनिवार) व्यक्त केला.

पंतप्रधान मोदींनी ओडिशामध्ये विमानतळ, खत निर्मितीच्या कारखान्याच्या पुनर्विकास कार्यक्रमाचे उद्घाटन केले. यावेळी त्यांनी ओडिशातील बिजू जनता दलावर आरोप करत मुख्यमंत्री नवीन पटनायक यांच्यावर टीका केली. ते म्हणाले,खत निर्मितीच्या कारखान्यावर सरकार 13 हजार कोटी रुपये खर्च करणार आहे. 2000 मध्ये तालचर खत निर्मितीच्या कारखान्याचा निर्णय घेण्यात आला. मात्र, हा कारखाना धूळ खात पडून होता. अधिकाऱ्यांनी 36 महिन्यात या कारखान्याचे काम पूर्ण करण्याचे आश्वासन दिले. 36 महिन्यांनी मी या कारखान्याचे उद्घाटन करण्यासाठी येणार आहे, असा विश्वास त्यांनी यावेळी व्यक्त केला. 

दरम्यान, गोरखपूर, झारखंड, तेलंगाणामधील सरकारे शेतीसाठी मोठ्या प्रमाणावर पैसे खर्च करत आहेत, असेही ते म्हणाले.