काश्मीर : जम्मू-काश्मीरमधील बडगाम जिल्ह्यात दहशतवाद्यांनी टीव्ही अभिनेत्रीची गोळ्या घालून हत्या केल्याचा प्रकार समोर आला आहे, मिळालेल्या माहितीनुसार या हल्ल्यात अभिनेत्रीचा मृत्यू झाला आहे, तर त्यांचा १० वर्षांचा पुतण्या जखमी झाला आहे.

पोलिसांनी दिलेल्या माहितीनुसार दहशतवाद्यांनी अभिनेत्री अंबरीन आणि तिच्या १० वर्षांच्या पुतण्यावर चादूरा येथील अमरीन भट यांच्या घरी गोळीबार केला. दरम्यान या दोघांनाही तातडीने जवळच्या रुग्णालयात दाखल करण्यात आले, असता डॉक्टरांनी तिला मृत घोषित केले. तिच्या 10 वर्षांच्या पुतण्यालाही हातावर गोळी लागली आहे.

या दहशतवादी हल्ल्यात तीन दहशतवादी सामील होते. दरम्यान परिसराची नाकाबंदी करून शोध सुरू केला आहे. गुन्हा दाखल करून तपास सुरू असल्याची माहिती पोलिसांनी दिली आहे.