नवी दिल्ली : निर्भया सामूहिक बलात्कार प्रकरणातील दोषी मुकेशची शेवटची चालही अपयशी ठरली. यानंतर दया याचिका आणि क्युरेटिव्ह याचिका दाखल करण्याची परवानगी मिळणार नसल्याचा आदेश सर्वोच्च न्यायालयाने दिला आहे. न्या. अरुण मिश्रा आणि न्या. एम. आर. शाह यांनी मुकेशची याचिका फेटाळून लावली.
मुकेशची या पूर्वीची वकील वृंदा ग्रोवर यांनी क्युरेटिव्ह याचिका दाखल करण्यासाठी दबाव टाकल्याचा आरोप मुकेशने केला होता. तसेच पुन्हा एकदा दया याचिका आणि क्युरेटिव्ह याचिका दाखल करण्याची परवानगी मागितली होती. मात्र, सुप्रीम कोर्टाने त्याची ही याचिका फेटाळून लावली आहे. त्यामुळे या गुन्ह्यातील सर्व दोषींना येत्या २० मार्चला सकाळी ५.३० वाजता फाशी देण्यात येणार आहे.
तसेच दोषींनी आपल्या सर्व पर्यायांचा वापर केला असून त्याची मर्यादा संपल्याचेही सुप्रीम कोर्टाने स्पष्ट केले. आता त्यांच्याकडे कोणताही कायदेशीर पर्याय शिल्लक राहिलेला नाही, असे नमूद केले.
दोषी मुकेशने आता एम. एल. शर्मा यांच्यामार्फत दाखल केलेल्या याचिकेत म्हटले आहे की, याचिका दाखल केल्यापासून तीन वर्षांपर्यंत क्युरेटिव्ह याचिका दाखल करण्याचा अधिकार याचिकाकर्त्याला असतो. त्यामुळे माझ्याकडे अजून वेळ शिल्लक आहे, असे दोषी मुकेशने म्हटले आहे. दरम्यान, मुकेशची पुनर्विचार याचिका सुप्रीम कोर्टाने जुलै २०१८ मध्ये फेटाळून लावली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.