माजी पंतप्रधान मोरारजी देसाई यांनी 1978 मध्ये नोटाबंदी केली होती. मुंबईतील आरबीआय इमारतीसमोर नोटा बदलण्यासाठी उभ्या असलेल्या लोकांचे फोटो टाइम्स ऑफ इंडियामध्ये प्रसिद्ध झाले आहे. 1980 च्या मध्यावधी निवडणुकांमध्ये नोटाबंदीला मोठा मुद्दा बनवून इंदिरा गांधींनी एक नारा दिला - "जे सरकार चालवू शकतात त्यांना निवडा." या निवडणुकीत काँग्रेसला 520 पैकी 353 जागा मिळाल्या. त्यानंतर आता 39 वर्षांनंतर पुन्हा नोटबंदीचा मुद्दा समोर आला आहे.

नोटाबंदी कधी झाली?

मोरारजींनी 1000, 5,000 आणि 10,000 च्या नोटा 16 जानेवारी 1978 रोजी बंद केल्या होत्या. जे एकूण चलनाच्या 20% होत्या. तेव्हा 95% लोकांनी या नोटा पाहिल्याही नव्हत्या. मोदींनी 8 नोव्हेंबर 2016 रोजी 500 आणि 1,000 च्या नोटांवर बंदी घातली.

गुजराती पंतप्रधान अन् पटेल गव्हर्नर

दोन्ही वेळा पंतप्रधान गुजराती होते. RBI चे दोन्ही गव्हर्नर देखील पटेल होते. 1978 मध्ये आयजी पटेल, 2016 मध्ये उर्जित पटेल.

मोदी सरकारने केलेल्या नोटबंदी विरोधात सुप्रीम कोर्टात 58 याचिका दाखल करण्यात आल्या होत्या. त्यावर आज सुनावणी सुरू आहे. तर नोटबंदीचा निर्णय घटनाबाह्य नाही. असे सुप्रीम कोर्टाने म्हटले आहे. ५०० आणि १००० रुपयांच्या नोटा चलनातून बाद करण्याचा केंद्र सरकारने २०१६ मध्ये घेतलेला निर्णय सुप्रीम कोर्टाने कायम ठेवला आहे.