4 Day Work Week : मागील काही महिन्यांपूर्वी ब्रिटनमधील अनेक कंपन्यांनी कर्मचाऱ्यांच्या बाजूने मोठा निर्णय घेतला होता. युकेच्या जवळपास १०० कंपन्यांनी मागील वर्षी कर्मचाऱ्यांच्या हितासाठी आठवड्यातून ३ दिवस सुट्टी आणि ४ दिवस काम ही प्रक्रिया राबवण्याचा निर्णय घेतला होता.

विशेष म्हणजे या १०० कंपन्यांमध्ये २६०० कर्मचारी काम करतात. या कंपन्यांनी हे देखील नमूद केले होते की, आठवड्यातील ५ व्या दिवशीचे पैसे ते देतील त्यात कोणतीही काटछाट केली जाणार नाही. शिवाय, या ४ दिवसांच्या वर्कवीकचा प्रोग्रॅम राबवताना कंपन्यांनी देशात मोठ्या विकासाची आणि बदलाची आशा व्यक्त केली होती.

युकेमधील या १०० कंपन्यांपैकी जवळपास ६२ कंपन्यांनी आठवड्यातून ४ दिवस काम आणि ३ दिवस सुट्टी या प्रक्रियेची चाचणी केली आहे. या चाचणी अंतर्गत ६ महिन्यांमध्ये हा 4 days work week चा प्रोग्रॅम यशस्वीपणे राबवण्यात आला आहे. नुकत्याच करण्यात आलेल्या अभ्यासातून ही माहिती समोर आली आहे.

या अभ्यासानुसार, Employee Retention  मध्ये जवळपास 57% वाढ झाली आहे. तसेच, या ४ दिवसांच्या आठवड्यामुळे कर्माचाऱ्यांच्या Time Satisfaction मध्ये तब्बल 42% वाढ झाल्याची नोंद करण्यात आली आहे.

या कंपन्यांचा मागील वर्षीचा महसूल आणि या वर्षीचा महसूल यांच्यात तुलना केल्यास त्यामध्ये 35% वाढ नोंदवण्यात आली आहे. कर्मचाऱ्यांच्या सकारात्मकतेमध्ये 14% वाढ नोंदवण्यात आली आहे, तर कर्मचाऱ्यांच्या Life Satisfaction मध्ये तब्बल 13% वाढ झाली आहे.

या कंपन्यांतील कर्मचाऱ्यांच्या मानसिक आरोग्याचा विचार केल्यास त्यात 13% वाढ नोंदवण्यात आली आहे. या 4 day work week च्या अंतर्गत कंपनीतल्या कर्मचाऱ्यांनी Self Reported  work Ability चे प्रमाण 12% नोंदवले आहे. तसेच, कर्मचाऱ्यांना मिळालेल्या कामाच्या समाधानामध्ये 8% वाढ झाली आहे.