मुंबई : महाराष्ट्र विधानसभेची निवडणूक आज जाहीर होताच युवासेनेचे अध्यक्ष आणि आमदार आदित्य ठाकरे यांच्यातील निवडणुकीला सामोरं जाण्याचा उत्साह दिसून आला. “दोन वर्षांपासून आम्ही वाट पाहत होतो अखेर तो दिवस आला” असं त्यांनी म्हटलं आहे.

आदित्य ठाकरे म्हणाले, दोन वर्षांपासून आम्ही ज्याची वाट पाहत होतो अखेर तो दिवस आज आला आहे. कारण निवडणुकीची घोषणा झाली आहे. आम्हाला कोर्टातून न्याय मिळेल अशी अपेक्षा होती पण न्याय तर मिळाला नाही, पण आमची हीच अपेक्षा आहे की जनतेच्या न्यायालयात आम्हाला न्याय मिळेल.

दोन वर्षांपासून आम्ही पाहत आहोत की महाराष्ट्राची लूट होत आहे. बेरोजगार तरुण-तरुणी प्रत्येक ठिकाणी नोकऱ्यांसाठी फिरत आहेत. पण सर्व उद्योगधंदे अर्थात रोजगाराच्या संधी गुजरातला चालल्या आहेत. गेल्या दोन वर्षात महाराष्ट्र हा गुजरातच्या सांगण्यावरुन चालत होता पण आता विधानसभा निवडणुका हे दाखवून देतील की महाराष्ट्र हा महाराष्ट्राच्या सांगण्यावरुनच चालणार आहे.