बीजिंग - वटवाघळांमध्ये आढळणाऱ्या कोरोना विषाणूवरील संशोधनामुळे ‘बॅटवूमन’ या नावाने ओळखल्या जाणाऱ्या चीनमधील प्रसिद्ध विषाणूतज्ज्ञ शी झेंगली यांनी सर्व जगाला संसर्गाबाबत इशारा दिला आहे. सध्या नव्याने सापडणारे विषाणू हे केवळ ‘हिमनगाचे टोक’ असून जगाने एकमेकांना सहकार्य करत साथीच्या रोगांना सामोरे जाण्यास सज्ज रहावे, असे आवाहन त्यांनी केले आहे. 

ताज्या बातम्यांसाठी डाऊनलोड करा ई-सकाळचे ऍप

शी झेंगली या वुहान विषाणू संशोधन संस्थेच्या उपसंचालिका आहेत. त्या म्हणाल्या की, विज्ञानाचे ज्यावेळी राजकारण होते, त्यावेळी मोठा धोका निर्माण होतो. विषाणूसंदर्भातील संशोधनात शास्त्रज्ञ आणि सरकारने पारदर्शता दाखवत सहकार्याची भावना जपायला हवी. पुढील काळात येणाऱ्या संसर्गापासून मानवजमातीला वाचवायचे असेल तर पुढचे पाऊल टाकत अद्याप अज्ञात असलेल्या विषाणूंचा अभ्यास करायला हवा आणि त्यानुसार सर्वांना धोक्याचा इशारा द्यायला हवा. आपण या विषाणूंकडे गांभीर्याने पाहिले नाही तर दुसरी साथ येण्याची शक्यता नाकारता येत नाही. 

डिजिटल युआन आणण्याची चीनची तयारी 

झेंगली यांनी वुहान प्रयोगशाळेचा आणि सध्या जगभरत पसरत असलेल्या कोरोना विषाणूचा कोणताही संबंध नाही, असे सांगितले. अमेरिकेचा आरोप धादांत खोटा आहे.