Lata Mangeshkar: भारतीय संगीत क्षेत्रासाठी आजचा दिवस शोकदायी आहे. त्याचं कारण म्हणजे आज भारतरत्न गानसम्राज्ञी लता मंगेशकर (Lata Mangeshkar passed Away) यांचं आज निधन झालं आहे. या घटनेनं भारतीय चित्रपटविश्वाला मोठा धक्का बसला आहे. पंतप्रधान नरेंद्र मोदींपासून बॉलीवूडच्या अनेक सेलिब्रेटींनी लता मंगेशकर यांना श्रद्धांजली वाहिली आहे. गेल्या काही दिवसांपासून लता दीदी या कोरोनानं त्रस्त होत्या. त्यानंतर त्यांना उपचारासाठी ब्रीच कँडी रुग्णालयात दाखल करण्यात आले होते. वयाच्या 92 व्या वर्षी लता दींदींनी अखेरचा श्वास घेतला आहे.बॉलीवू़डमध्ये (Bollywood Celebrity) अनेक दिग्गजांना लता दीदींचा सहवास लाभला. त्यामध्ये अमिताभ बच्चन (Amitabh Bachchan) यांच्यापासून सलमान खान यांच्या नावाचा उल्लेख करावा लागेल. केवळ हिंदीच नव्हे तर देशातील वेगवेगळ्या भाषांमध्ये लता दीदींनी गाणी गायली.सारेगमपच्या लाईफ टाईम अॅवॉर्डनं त्यांना गौरविण्यात आले होते. यावेळी ए आर रहमान यांच्या हस्ते त्यांना हा पुरस्कार देण्यात आला होता. तर बॉलीवूडमधील दिग्गज गायकांनी त्यांना यावेळी गाणं वाहून सलाम केला होता.