Jalgaon Municipality News : महापालिकेतील अनुकंपा कर्मचारी भरती प्रक्रियेला सुरूवात झाली असून येत्या दोन महिन्यात ती होणार असल्याची माहिती आहे. जळगाव महापालिकेत अनुकंपा भरतीचे अनेक प्रकरणे प्रलंबित आहेत.

त्याबाबतच्या प्रस्तावाची छाननी आता सुरू करण्यात आली आहे.(Compassionate Recruitment in Municipal Corporation Soon jalgaon news )

महापालिकेत ८६ पदासाठी कंत्राटी भरती करण्यात येत आहे. त्यासाठी अर्ज मागवून मुलाखती घेवून उमेदवारांची निवड करण्यात आली आहे. मात्र अद्याप त्यांना नियुक्तीचे आदेश देण्यात आले नाहीत. येत्या दोन दिवसात त्यावर स्वाक्षऱ्या होवून संबधित निवड झालेल्या उमेदवारांना नियुक्तीचे आदेश देण्यात येणार आहेत.

आक्षेप असलेल्या पदोन्नती

सरकारच्या मुख्य लेखापरीक्षक विभागातर्फे महापालिकेच्या कर्मचाऱ्यांवर पदोन्नतीचे आक्षेप होते. त्याबाबत आयुक्तांकडे निर्णय घेण्याचे अधिकार सरकारकडून देण्यात आले आहेत. तब्बल २१० कर्मचाऱ्यांवर आक्षेप होते.

त्यापैकी काही कर्मचारी सेवानिवृत्त झाले आहेत. काहींचे निधन झाले आहे. सद्यस्थितीत ९७ कर्मचारी कार्यरत आहेत. त्यांच्या पदोन्नतीबाबत प्रक्रिया सुरू असून त्याबाबत लवकरच आदेश जारी करण्यात येणार असल्याचे माहिती महापालिकेतर्फे देण्यात आली.