अमळनेर (जि. जळगाव) : तालुक्यातील एकलहरे येथील ग्रामपंचायतीत मूळ गाव नंबर ८ मध्ये खाडाखोड करून क्षेत्र वाढविल्याचा आरोप निवृत्त तलाठी दयाराम पाटील यांनी केला आहे. (Indefinite hunger strike Retired Talathi Dayaram Patil front Tehsil office due to Mistakes documents in Eklahare Gram Panchayat jalgaon news)

या प्रकरणी चौकशी होऊन दोषींवर कारवाई होण्यासाठी प्रजासत्ताक दिनाला तहसील कार्यालयासमोर बेमुदत उपोषणाला बसले आहेत.

तालुक्यातील एकलहरे येथील ग्रामपंचायतीत मूळ गाव नंबर ८ मध्ये खाडाखोडप्रकरणी जिल्हा परिषद प्रशासनाकडे तक्रार केली होती. उपमुख्य कार्यकारी अधिकारी यांनी अमळनेर गटविकास अधिकारी यांना चौकशी करण्याचे आदेश दिले आहेत.

हेही वाचा : ....इथं बनतो आपला लाडका तिरंगा

परंतु याकडे दुर्लक्ष केले जात आहे. गेल्या २०१८ पासून या प्रश्नांवर निवृत्त तलाठी दयाराम पाटील हे पाठपुरावा करत आहे. तहसील कार्यालयासमोर उपोषणस्थळी दयाराम पाटील यांना गावकऱ्यांसह ज्ञानेश्वर विनायक पाटील, अधिकार पाटील, समाधान पाटील, बळीराम पाटील, शिवाजी पाटील, सरपंच दिलीप पाटील आदींसह ॲड. दिनेश पाटील, रवींद्र पाटील, आर. बी. पाटील यांच्यासह अनेक सामाजिक कार्यकर्त्यांनी भेट घेऊन पाठिंबा दिला आहे.