Jalgaon News : जामनेर नगर परिषद कार्यालयातील डॉ. बाबासाहेब आंबेडकर सभागृहात २०२३-२०२४ या आर्थिक वर्षातील नगर परिषद महसुली उत्पन्नातून ५ टक्के ३ लाख ९१ हजार रुपयांचा निधी ११४ दिव्यांग लाभार्थ्यांना वाटप करण्यात आला. त्यामुळे दिव्यांगांना दिलासा मिळाला आहे.

माजी नगराध्यक्षा साधना महाजन, प्रशासक तथा मुख्य अधिकारी नितीन बागुल, जामनेर तालुका एज्युकेशन सोसायटीचे सचिव जितेंद्र पाटील, माजी नगरसेवक खलील अहमद यांच्या हस्ते धनादेशाचे वाटप करण्यात आले.(Jalgaon Jamner Nagar Parishad distributes funds to disabled)

२०२३-२४ या आर्थिक वर्षात जामनेर नगर परिषद हद्दीतील ३८९ दिव्यांग बांधवांनी नोंदणी केलेली होती. त्यापैकी २७५ दिव्यांग बांधवांना यापूर्वी दहा लाख २ हजार रुपयांचा निधी वाटप करण्यात आला. उर्वरित ११४ दिव्यांग बांधवांना सोमवारी (ता. ११) निधी वाटप करण्यात आला.

माजी नगराध्यक्षा साधना महाजन, जितेंद्र पाटील यांनी दिव्यांग बांधवांच्या समस्या जाणून घेत त्यावर तत्काळ उपाययोजना करण्याच्या सूचना दिल्या. (latest marathi news)

दिव्यांग शासकीय योजनेबाबत विश्‍वशांती दिव्यांग संस्थेचे पवन माळी यांनी मार्गदर्शन केले. मुख्याधिकारी नितीन बागुल, उपमुख्याधिकारी रविकांत डांगे यांनीही योजनांची माहिती दिली. कार्यक्रम यशस्वीतेसाठी विश्‍वशांती दिव्यांग संस्थेचे पवन माळी, रवी झाल्टे, महेंद्र माळी, अंबिका टहाकळे, श्रावण धमाले, किशोर माळी यांच्यासह दिव्यांग बांधव उपस्थित होते.