Jalgaon Accident News : चोपडा- गोरगावले रस्त्यावरील खडगाव गावाबाहेर भरधाव वेगाने चोपड्याकडे येणाऱ्या महिंद्रा कंपनीच्या बोलेरो पिकअप वाहनाने मोटरसायकलला जोरदार धडक दिल्याने दुचाकीवरील धर्मेंद्र विजय महाजन (वय ५६) यांना डोक्यास जबर मार लागल्याने त्यांचा जागीच मृत्यू झाला.

चहार्डी (ता.चोपडा) येथील रहिवासी व गोरगावले प्राथमिक आरोग्य केंद्रातील कर्मचारी धर्मेंद्र विजय महाजन (ह.मु. हरेश्वर कॉलनी, चोपडा) हे त्याच्या बजाज कंपनीच्या दुचाकीने (क्रमांक : एम. एच. १९ डिके ७२३५) गोरगावले येथे ड्यूटीवर जात होते.

खडगाव गावाजवळ महिंद्रा कंपनीच्या बोलेरो पिकअप वाहनाची (क्रमांक : एम. एच. १९ सीवाय ४८९८) त्यांना जोरदार धडक दिली. ज्यामुळे धर्मेंद्र महाजन यांच्या डोक्याच्या जबर दुखापत झाल्याने त्यांचा जागीच मृत्यू झाला.

जितेंद्र महाजन यांच्या फिर्यादीवरून ग्रामीण पोलिसात गुन्हा दाखल करण्यात आला आहे. सहाय्यक पोलिस निरीक्षक शेषराव नितनवरे हे तपास करीत आहेत. मयत महाजन हे ‘सकाळ’चे बातमीदार जितेंद्र महाजन यांचे ज्येष्ठ बंधू होत.