Jalgaon Crime News : शहरातील विवेकानंदनगरातील पोलिसाने पत्नीला कौटुंबिक वादातून मारहाण करून तिला घराबाहेर काढून दिले.

विवेकानंद परिसरात रश्मी मुस्तफा तडवी (वय २९) कुटुंबीयांसह वास्तव्यास आहेत. (police beaten wife Jalgaon Crime News)

त्यांचे पती मुस्तफा जहाँगीर तडवी यावल पोलिस ठाण्यात कार्यरत आहेत. रश्मी तडवी यांना रविवारी (ता. १६) सकाळी साडेअकराच्या पती मुस्तफा तडवी यांनी चापटाबुक्क्यांनी मारहाण केली. नंतर पतीसह सासू हमीदा तडवी यांनी रश्मी यांना शिवीगाळ करून घराबाहेर काढून दिले.

हेही वाचा : Credit Card फसवणूक....काय घ्याल काळजी?

याबाबत रश्मी तडवी यांनी दिलेल्या फिर्यादीवरून रामानंदनगर पोलिस ठाण्यात पती मुस्तफा तडवी व हमीदा तडवी (दोन्ही मूळ रा. तहानगर, फैजपूर, ह.मु. विवेकानंदनगर) यांच्याविरोधात गुन्हा दाखल झाला आहे. पोलिस नाईक प्रशांत पाठक तपास करीत आहे