Jalgaon News : उन्हाळ्यात शाळांना सुट्या असतात. त्यामुळे सर्वच जण कुटुंबीयांसह आपापल्या गावी जातात. यामुळे रेल्वेगाड्यांनाही गर्दी असते. (Special train between Amravati and Pune jalgaon news)

रेल्वेगाड्यांमधील अतिरिक्त गर्दी कमी करण्यासाठी पुणे ते अमरावती विशेष गाडी चालविण्याचा निर्णय मध्य रेल्वेने घेतला आहे. गाडी क्रमांक ०१४५२ पुणे-अमरावती स्पेशल एक्स्प्रेस गुरुवार (ता. ६)पासून पुण्याहून सुरू झाली आहे.

ही गाडी मनमाडला रात्री नऊ वाजून ५५ मिनिटांनी येईल. भुसावळला सकाळी सहाला, शेगावला पावणेसातला, अकोल्याला ८.४०, बडनेरा रेल्वेस्थानकावर सकाळी दहाला, अमरावतीला सकाळी अकराला पोचेल.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

गाडी क्रमांक ०१४५१ अमरावती-पुणे स्पेशल एक्स्प्रेसही गुरुवारपासून अमरावतीवरून सुरू झाली आहे. अमरावतीवरून ती सायंकाळी सहाला निघेल. बडनेरा रेल्वेस्थानकावर सायंकाळी सव्वासहाला, अकोला सव्वासातला, शेगावला पावणेआठला, भुसावळला रात्री साडेनऊला पोचेल. रात्री साडेबाराला मनमाडला पोचेल.