rat२८२.txt

(पान ५ साठी)

फोटो ओळी
-rat२८p६.jpg ः
७८६८८
मावळंगे (ता. रत्नागिरी) ः मावळंगे धनगरवाडी परिसरामध्ये सिमेंटचे विद्युतखांब नव्याने बसवण्यात आले. (छायाचित्र ः अनिल बिर्जे, मावळंगे)
--

मावळंगेतील विद्युत खांब बदलले

पावस, ता. २८ ः रत्नागिरी तालुक्यातील मावळंगे-धनगरवाडी येथील लोखंडी विद्युतखांब गंजल्याने धोकादायक बनले होते. याबाबत वारंवार पाठपुरावा केल्यानंतर अखेर धोकादायक चार विद्युतखांब नव्याने बसवण्यात आले. त्याबद्दल धनगरवाडी परिसरात समाधान व्यक्त करण्यात येत आहे.
मावळंगे धनगरवाडी कातळावर वसलेली आहे. येथील विद्युत खांब मोडकळीस आले होते. त्यामुळे कोणत्याही क्षणी कोसळून धोका निर्माण होण्याची शक्यता निर्माण झाली होती. या संदर्भात सामाजिक कार्यकर्ते अनिल बिर्जे यांनी वारंवार संबंधित वीजकंपनीला पत्रव्यवहार केला होता; परंतु त्याबाबत कोणताही निर्णय घेतला जात नव्हता. अखेर त्याबाबत संबंधित शाखा अभियंतांना प्रत्यक्ष भेटून पाहणी करण्याचे सांगण्यात आल्यानंतर परिस्थितीची पाहणी केली. वस्तुस्थिती व अनिल बिर्जे यांचा पत्रव्यवहार याची दखल घेऊन अखेर विद्युत कंपनीने जीर्णावस्थेत असलेले लोखंडी खांब बदलून त्या ठिकाणी चार सिमेंट खाब बसवण्यात आले. त्यानंतर विद्युत पुरवठा सुरळीत करण्यात आला. त्याबद्दल नागरिकांनी समाधान व्यक्त केले.
---