swt197.jpg
83800
नेरूरः श्री देव कलेश्वर मंदिरात महाशिवरात्रीनिमित्त भाविकांची झालेली गर्दी. (छायाचित्र ः अजय सावंत)

नेरूर कलेश्वर मंदिरात
महाशिवरात्र उत्साहात
सकाळ वृत्तसेवा
कुडाळ, ता. १९ः ‘ओम नमः शिवाय, हर हर महादेव’च्या नामघोषात नेरूर येथील श्री देव कलेश्वर मंदिरात भाविकांच्या अलोट गर्दीत महाशिवरात्रोत्सव भक्तिमय वातावरणात साजरा करण्यात आला.
नेरूर येथील श्री देव कलेश्वर मंदिरात महाशिवरात्री महोत्सवच्या निमित्ताने गेले पाच दिवस विविध सांस्कृतिक, धार्मिक आदी कार्यक्रमाचे आयोजन केले होते. मंदिरात पहाटेपासूनच भाविकांनी अलोट गर्दी केली होती. प्रत्येक भाविकांना दर्शन मिळावे, यासाठी समिती ग्रामस्थ, मानकरी, विविध मंडळे यांच्या माध्यमातून नियोजनबद्ध उपक्रम हाती घेण्यात आला होता. पहाटेपासून सुरू झालेल्या दर्शनाच्या रांगा दुसऱ्या दिवशी पहाटेपर्यंत सुरूच होत्या. ‘हर हर महादेव, ओम नमः शिवाय’च्या नामघोषात रात्री पालखी मिरवणूक काढण्यात आली. रथाची लक्षवेधी सजावट करण्यात आली होती. मंदिर विद्युत रोषणाईने झळाळून निघाले होते. ठिकठिकाणी लावण्यात आलेले विविध लक्षवेधी देखावे यामुळे सोहळा अधिक रंगतदार ठरला होता. दरवर्षीप्रमाणे यावेळीसुद्धा कुडाळ आगारच्या वतीने एसटी बसेस सुविधा ठेवण्यात आल्या होत्या.