Satara Lok Sabha Result: तुतारीसारख्या दिसणाऱ्या चिन्हाने शशिकांत शिंदेचा केला घात...साताऱ्यात नेमकं काय घडलं?

सातारा लोकसभा मतदारसंघात राष्ट्रवादी काँग्रेस शरद पवार गटाचे उमेदवार शशिकांत शिंदे यांचा पराभव झाला आहे. फक्त ३२ हजार ७७१ मतांनी शिंदेच पराभव झाला. भाजप उमेदवार उदयनराजे भोसले यांना ५ लाख ७१ हजार १३४ मते मिळाली. तर शशिकांत शिंदेंना ५ लाख ३८ हजार ३६३ मते मिळाली. तुतारीसारख्या दिसणाऱ्या चिन्हाने शशिकांत शिंदेचा घात केला नाहीतर शिंदेंचा विजय नक्की होता, अशी चर्चा राजकीय वर्तुळात रंगली आहे.

सातारामध्ये संजय कोंडीबा गाडे यांच्या ट्रम्पेट या तुतारी सारख्या चिन्हाने ३७ हजार ०६२ मते घेतली. त्यामुळे निकाल बदलला. कराड दक्षिण आणि उत्तर मतदारसंघाने उदयनराजे भोसले यांना भरभरून मतदान केले. मात्र जर संजय कोंडीबा गाडे यांचे चिन्ह जर वेगळे असते निकाल काही वेगळी असता.

सातारा लोकसभा मतदारसंघात मागील निवडणुकीपेक्षा सुमारे तीन टक्क्यांनी मतदान वाढले. ६३ टक्के मतदान या मतदारसंघात झाले होते.

सर्वात कमी मतदान २००९ च्या निवडणुकीत ५२.८ टक्के झाले होते, तर १९९९ च्या निवडणुकीत ७१.४१ टक्के मतदानाची नोंद झाली होती. २०१९ च्या निवडणुकीत ६०.४७, तर आता ६३ टक्क्यांवर मतदान झाले आहे.