फोटोसंक्षिप्त

४५३८
४५३९
मोरजकर माय-लेकाचे
बुधभूषण’ स्पर्धेत यश
बांदा ः छत्रपती संभाजी महाराज यांच्या जयंतीचे औचित्य साधून ‘शिवसंस्कार’च्या वतीने आयोजित ‘बुधभूषण’ या राज्यस्तरीय स्पर्धेत येथील सौ. रीना मोरजकर यांनी खुल्या गटात पहिला, तर नैतिक मोरजकर याने शालेय गटात द्वितीय क्रमांक मिळविला. मोरजकर मायलेकराच्या यशाने त्यांच्यावर अभिनंदनाचा वर्षाव होत आहे. यापूर्वी देखील अनेक स्पर्धांमध्ये त्यांनी सुवर्ण यश मिळविले आहे.
स्पर्धेत महाराष्ट्र, गुजरात, गोवा व कर्नाटक राज्यातील स्पर्धक सहभागी झाले होते. ऑनलाईन पद्धतीने ही स्पर्धा घेण्यात आली. छत्रपती संभाजी महाराज रचित ''बुधभूषण'' या ग्रंथातील कुठलाही एक श्लोक व त्याचा मराठीत अनुवाद असा स्पर्धेचा विषय होता. या स्पर्धेत खुल्या गटात रीना मोरजकर यांनी प्रथम क्रमांक मिळविला. तर शालेय गटात नैतिक मोरजकर (जिल्हा परिषद केंद्रशाळा नंबर 1) याने द्वितीय क्रमांक मिळविला. वेशभूषा स्पर्धेत नैतिक याने चतुर्थ क्रमांक मिळविला. मोरजकर मायलेकराच्या यशाने बांदा शहरातून अभिनंदन होत आहे.

बांदा विकास सोसायटीचा
उद्या उद्‍घाटन सोहळा
बांदा ः बांदा विकास सोसायटीच्या (कै.) माधव हरी अळवणी सभागृहाचे उद्‍घाटन गुरुवारी (ता. 25) सकाळी 10.30 वाजता सिंधुदुर्ग जिल्हा बँक अध्यक्ष मनीष दळवी, श्रीपाद अळवणी यांच्या हस्ते संस्थेचे माजी अध्यक्ष सावळाराम सावंत यांच्या प्रमुख उपस्थितीत करण्यात आले आहे.
जिल्हा बँक उपाध्यक्ष अतुल काळसेकर, संचालक विद्याधर परब, गजानन तावडे, महेश सारंग, रवींद्र मडगावकर, माजी संचालक प्रमोद कामत, माजी सरपंच मंदार कल्याणकर, सहकारी संस्था सिंधुदुर्गचे जिल्हा उपनिबंधक माणिक सांगळे, सहकारी संस्था सावंतवाडीचे सहाय्यक निबंधक अनिल क्षीरसागर, बांदा सरपंच प्रियांका नाईक, शेर्ले सरपंच प्रांजल जाधव, डिंगणे सरपंच संजय डिंगणेकर, बांदा माजी सरपंच अक्रम खान, शेर्ले माजी सरपंच जगन्नाथ धुरी, डिंगणे माजी सरपंच स्मिता नाईक आदी मान्यवर उपस्थित आहेत. संस्थेच्या सर्व सभासद व सहकारप्रेमी नागरिकांनी कार्यक्रमांस उपस्थित राहण्याचे आवाहन संस्थेचे अध्यक्ष घनःश्याम बांदेकर, उपाध्यक्ष राजाराम उर्फ बाळू सावंत, सचिव मयुरी परब यांनी केले आहे.