फोटो ओळी
-rat२९p१९.jpg ः KOP२३M०५७४२ गावखडी (ता. रत्नागिरी) ः गावखडी येथे डंपरला धडक दिल्यानंतर दुचाकी रस्त्यावर आडवी झाली होती.

दुचाकीची डंपरला धडक; दोघे जखमी
पावस, ता. २९ ः रत्नागिरी तालुक्यातील पूर्णगड-पावस रस्त्यावर बेहेरे टप्पा येथे दुचाकीने डंपर धडक दिली. यामध्ये दोघे जखमी झाले असून उपचारासाठी खासगी रुग्णालयात दाखल केला आहे. जुनेद बरकत पेजे व बरकत पेजे (रा. गावखडी-मुस्लिमवाडी, रत्नागिरी) अशी जखमीची नावे आहेत. ही घटना सोमवारी (ता. २९) दुपारच्या सुमारास बेहेरे टप्पा रस्त्यावर घडली. पोलिसांकडून मिळालेल्या माहितीनुसार जुनेद आपल्या वडिलासह दुचाकी (एमएच-०८-एवाय-३६६९) घेऊन गावखडी-मुस्लिमवाडी येथून पावसकडे येत होता. बेहेरे टप्पानजीक दुचाकी न आवरल्याने डंपरला पाठीमागून ठोकर दिली. यामध्ये दुचाकीचे नुकसान झाले तर दोघेही गंभीर जखमी झाले. त्यांना उपचारासाठी जिल्हा शासकीय रुग्णालयात आणण्यात आले होते. मात्र अधिक उपचारासाठी रत्नागिरीतील खासगी रुग्णालयात दाखल केले आहे.