कोकण सन्मान संस्थेतर्फे
महिला उद्योग, टेलरिंग प्रशिक्षण सुरु
रत्नागिरी, ता. ८ः कोकणचा सन्मान सामाजिक संस्था रत्नागिरीतर्फे महिला टेलरिंग प्रशिक्षण व महिला उद्योग नुकताच सुरु करण्यात आला. कोकणचा सन्मान ही संस्था गेली अनेक वर्षे शैक्षणिक व सामाजिक विविध समाजोपयोगी उपक्रम राबवत आहे. त्याचा एक भाग म्हणून संस्थेच्यावतीने महिला टेलरिंग प्रशिक्षण व महिला उद्योग सुरु करण्यात आला.
प्रशिक्षण कार्यक्रमाचे उद्घाटनावेळी संस्थेचे अध्यक्ष दत्ताराम खाडे, संस्थेचे प्रवक्ता काका तोडणकर यांच्या प्रमुख उपस्थितीत झाले. या वेळी प्रमुख पाहुण्या म्हणून शिवसेना महिला तालुकाध्यक्षा कांचन नागवेकर, जिल्हा बॅंकेचे संचालक रामभाऊ गराटे, अखिल भारतीय मराठा महासंघाच्या महिला युवा जिल्हाध्यक्षा अंकिता वरोशे, टेंभ्ये गावचे माजी सरपंच रामचंद्र खाडे, तसेच संस्थेचे चिटणीस सचिन गुरव, खजिनदार रोहीत साळवी, महिला प्रमुख सपना खाडे व प्रशिक्षिका नेहा रवींद्र नलावडे आदी उपस्थित होते.