साई पालखीचे आज
सावंतवाडीत आगमन
सावंतवाडी ः प्रतिवर्षीप्रमाणे माजी मंत्री, आमदार दीपक केसरकर यांच्या निवासस्थानी उद्या (ता. ९) सायंकाळी ५ वाजता श्री साईबाबांच्या पालखीचे आगमन होणार आहे. आमदार केसरकरांच्या हस्ते विधिवत पूजापाठ होणार आहे. सर्वांनी दर्शन व तीर्थप्रसादाचा लाभ घ्यावा, असे आवाहन केले आहे. तसेच गुरुवारी (ता. १०) गुरुपौर्णिमेचा उत्सव असल्यामुळे सकाळी पालखीचे प्रस्थान श्री साईबाबा मंदिर माडखोल येथे होणार आहे. त्यानंतर विधिवत पूजापाठ व दर्शन सोहळा, तीर्थप्रसाद व महाप्रसाद याचा सर्व साईभक्तांनी लाभ घ्यावा, असे आवाहन शिवसेना तालुकाप्रमुख नारायण राणे यांनी केले आहे.
...................
सिंधुदुर्गनगरी येथे
२२ ला सैनिक दरबार
सिंधुदुर्गनगरी ः माजी सैनिक, माजी सैनिक विधवा पत्नी, वीरनारी, पिता, वीरमाता व अवलंबिता कुटुंबांच्या प्रलंबित अडीअचणी जाणून घेऊन त्या सोडविण्यासाठी २२ जुलैला सकाळी १० वाजता सिंधुदुर्गनगरी येथे सैनिक दरबाराचे आयोजन केले आहे, अशी माहिती जिल्हा सैनिक कल्याण अधिकारी मच्छिंद्र सुकते यांनी दिली. संबंधितांनी आपले अर्ज १५ जुलैपूर्वी जिल्हा सैनिक कल्याण कार्यालय, सिंधुदुर्ग यांच्याकडे सादर करावे, असे आवाहन केले आहे. अधिक माहितीसाठी संपर्क साधावा.