77921

देवगड महाविद्यालयाचे
फाईन आर्टस् स्पर्धेत यश

सकाळ वृत्तसेवा
देवगड, ता. १६ ः येथील कनिष्ठ आणि वरिष्ठ महाविद्यालयातील विद्यार्थिनींनी तालुकास्तरीय फाईन आर्टस् स्पर्धेत यश प्राप्त केले. शिरगावमध्ये ही स्पर्धा घेण्यात आली.
शिरगाव येथील पुंडलिक अंबाजी कर्ले यांच्या १११ व्या जयंतीनिमित्त तेथील कर्ले महाविद्यालयातील सांस्कृतिक विभागातर्फे तालुकास्तरीय फाईन आर्टस् स्पर्धांचे आयोजन केले होते. वरिष्ठ व कनिष्ठ महाविद्यालयीन अशा दोन गटांमध्ये स्पर्धा घेण्यात आली. स्पर्धेत येथील विद्यार्थ्यांनी सहभाग घेऊन यश प्राप्त केले. यशस्वी विद्यार्थ्यांचे संस्था पदाधिकारी, प्रभारी प्राचार्य विजयकुमार कुनुरे, उपप्राचार्य शरद शेटे यांनी अभिनंदन केले. स्पर्धेचा सविस्तर निकाल असा ः रांगोळी स्पर्धा प्रथम-सानिका पुजारे (कनिष्ठ महाविद्यालय), मेहंदी स्पर्धा प्रथम अनुष्का पवार (कनिष्ठ महाविद्यालय), द्वितीय प्राजक्ता हडपीडकर (कनिष्ठ महाविद्यालय), रुद्रा शेटये (वरिष्ठ महाविद्यालय), तृतीय सलोनी कदम (वरिष्ठ महाविद्यालय), उत्तेजनार्थ स्नेहा भस्मे (कनिष्ठ महाविद्यालय).